ΑΠΟΛΥΤΙΚΙΑ-ΚΟΝΤΑΚΙΑ-ΜΕΓΑΛΥΝΑΡΙΑ

Μ Η Ν    Δ Ε Κ Ε Μ Β Ρ Ι Ο Σ

 

1.       Του αγίου Προφήτου Ναούμ, και του Oσίου πατρός ημών Φιλαρέτου του Ελεήμονος.

Α π ο λ υ τ ί κ ι α

Του Προφήτου.΄Ηχος γ΄. Θείας πίστεως.

Νόμω έλαμψας, προαναγγέλων, τας της χάριστος, Ναούμ Προφήτα, ομωνύμως παρακλήσεις εν Πνεύματι∙ δι ων ο Λόγος ουσίαν την βρότειον, επιφανείς τοις ανθρώποις κατηύφρανεν∙ όθεν πρέσβευε, Τριάδι τη πανοικτίρμονι, δωρήσασθε ημίν το μέγα έλεος.

΄Ετερον του Προφήτου. ΄Ηχος α΄.

Του προφήτου σου Ναούμ την μνήμην,  Κύριε εορτάζοντες, δι΄αυτού σε δυσωπούμεν∙  σώσον τας ψυχάς ημών.

Του Αγίου Φιλαρέτου.

Θείας πίστεως, περιουσία, διεσκόρπισας, τοις δεομένοις, τον προσιόντα σοι πλούτον Φιλάρετε∙ και ευσπλαχνία κοσμήσας τον βίον σου, τον χορηγόν του ελέους εδόξασας. Ον ικέτευε, δοθήναι τοις ευφημούσι σε, ρανίδα οικτιρμών και θείον έλεος.

Κ ο ν τ ά κ ι α

Του Προφήτου.΄Ηχος δ΄. Επεφάνης σήμερον

Ως πυρσός ακοίμητος, Ναούμ Προφήτα, φρυκτωρείς εν πέρασι, δι αινιγμάτων ιερών, την των μελλόντων αλήθειαν, ων τας εκβάσεις ορώντες τιμώντες σε.

Του Αγίου Φιλαρέτου. ΄Ηχος γ΄.  Η Παρθένος σήμερον

Του Ιώβ κτησάμενος, εν πειρασμοίς την ανδρείαν, τοις πτωχοίς διένειμας, ως συμπαθής τον σον πλούτον∙ ώφθης γαρ, της ευσπλαχνίας έμψυχος βρύσις, νάμασι, των θείων τρόπων σου ιλαρύνων, τους εκ πόθου σοι βοώντας∙ χαίροις θεράπον, Χριστού Φιλάρετε.

Μ ε γ α λ υ ν ά ρ ι α

Του Προφήτου.

Φρόνημα ουράνιον εσχηκώς, ουρανίου δόξης, εχρημάτισας θεωρός, βίω τε τον λόγον, Ναούμ επισημαίνων∙ δίο σε ως Προφήτη θείον γεραίρομεν.

Του Αγίου Φιλαρέτου

Χαίροις των πενήτων ο προμηθεύς, και των δυστυχούντων, αντιλήπτωρ και βοηθός∙ χαίροις ο εν οίκτω, τον Λόγον θεραπεύσας, Φιλάρετε τρισμάκαρ Δικαίων σύσκηνε.

 

2.   Του αγίου Προφήτου  Αββακούμ , και Οσίου Κυρίλλου του Φιλεώτου.

Α π ο λ υ τ ί κ ι α

Του Προφήτου. ΄Ηχος δ΄.  Ταχύ προκατάλαβε

Ως όρος προέγραψας, την Θεοτόκον Αγνήν, εξ ής ημίν έλαμψεν, ο των απάντων Θεός, σαρκός ομοιώματι∙ όθεν σε ως Προφήτην, θεηγόρον τιμώντες, χάριτος ουρανίου, μετασχείν δυσωπούμεν, προσβείαις σου θεοδέκτοις Αββακούμ ένδοξε.

Του Οσίου, όμοιον

Ως ξένος και πάροικος, των επίγειων τερπνών, ζωήν την ισάγγελον, επολιτεύσω σαφώς, Πατήρ ημών Κύριλλε∙ όθεν τας ουρανίους, ειληφώς αντιδόσεις, πρέσβευε Θεοφόρε, τω Σωτήρι των όλων, δοθήναι τοις σε ετιμώσι, χάριν και έλεος.

Κ ο ν τ ά κ ι α

Του Προφήτου. ΄Ηχος πλ. δ΄.  Τη Υπερμάχω

Της προφητείας την κιθάραν την θεόφθογγον, την προηχήσασαν Χριστού την συγκατάβασιν, Αββακούμ ανευφημήσωμεν τον θεόπτην∙ Εμπνευσθείς γαρ τη ελλάμψει του Θεού ημών, εμφανώς προδιετύπωσε τα μέλλοντα. Τούτω είπωμεν, χαίρε σκεύος του Πνεύματος.

΄Ετερον του Προφήτου. ΄Ηχος δ. Ταχύ προκατάλαβε

Ως ίππους εώρακας τους ιερούς Μαθητάς, θαλάσσας ταράσσοντας της αγνωσίας σαφώς, και πλάνην βυθίζοντας δόγμασιν ευσεβείας, Αββακούμ θεηγόρε∙ όθεν σε ως προφήτην αληθή ευφημούμεν, αιτούμενοι του πρεβεύειν ελεηθήναι ημάς.

Του Οσίου. ΄Ηχος δ΄. Ο υψωθείς εν τω Σταυρώ

Ακολουθήσας τω Δεσπότη των όλων, των προσηκόντων απηρνήσω την σχέσιν, και τον σταυρόν σου Κύριλλε εβάστασας στερρώς∙ όθεν εχρημάτισας, της Τριάδος δοχείον, και Οσίων σύσκηνος, δια βίου ενθέου∙ μεθ΄ων δυσώπει πάντοτε Χριστόν, υπέρ των πίστει, τιμώντων σε ΄Οσιε.

Μ ε γ α λ υ ν ά ρ ι α

Του Προφήτου

Το φως ως προείπας το Πατρικόν, εν Ναώ οικείω, καθωράθη σωματικώς∙ όθεν οι την αίγλην, αυτού εισδεδεγμένοι, εν ύμνοις Αββακούμ σε φαιδροίς δοξάζομεν.

Του Οσίου

Σύνοικον την χάριν πεπλουτηκώς, συζύγου τον πόθον, υπερείδες θεοπρεπώς, και δικαιοσύνης, εργάτης ανεδείχθης, Κύριλλε Θεοφόρε∙ διό δεδόξασαι.

 

3.   Του αγίου Προφήτου Σοφονίου .

Α π ο λ υ τ ί κ ι ο ν

΄Ηχος  α΄.  Της ερήμου πολίτης.

Συνιείς φερώνυμως των μελλόντων την πρόγνωσιν, εκφαντορικώς προεκφαίνεις, την αιώνιον λύτρωσιν∙ Σιών γαρ Βασιλέα τον Χριστόν, κηρύττεις Σοφονία εμφανώς∙ παρ΄αυτού γαρ ελυτρώθημεν της αράς, Προφήτα οι βοώντες σοι∙ δόξα τω σε δοξάσαντι Θεώ, δόξα τω σε στεφανώσαντι, δόξα τω δωρουμένω δια σού, πάσι συγχώρησιν.

Κ ο ν τ ά κ ι ο ν

΄Ηχος γ΄.  Η Παρθένος σήμερον.

Επαξίως σύνεσιν, προφητικήν γεωργήσας, την Του Λόγου κένωσιν, προανεφώνησας κράζων∙ τέρφθητι, Σιών η πόλις η πανολβία,΄Ανακτα, Χριστόν εν πώλω εισδεχομένη. Ον δυσώπει Σοφονία, υπέρ των πίστει, μακαρίζονταν σε.

Μ ε γ α λ υ ν ά ρ ι ο ν

Χαίροις των εν νόμω εκπληρωτά, και των εν τη νέα, Διαθήκη προμηνυτά∙ χαίροις ουρανίων, χαρίτων μυστηπόλε, Προφήτα Σιφονία αξιοθαύμαστε.

 

4.  Της αγίας Mεγαλομάρτυρος Βαρβάρας, και του Oσίου Πατρός ημών Ιωάννου του Δαμασκηνού∙  και του αγίου ενδόξου  Ιερομάρτυρος Σεραφείμ επισκόπου Φαναρίου.

Α π ο λ υ τ ί κ ι α

Της Αγίας.΄Ηχος πλ.α΄  Τον συνάναρχον Λόγον.

Της Τριάδος την δόξαν ανακηρύττουσα, εν τω λουτρώ τρεις θυρίδας υπεσημήνω σοφώς, κοινωνίαν πατρικήν λιπούσα πάνσεμνε∙ όθεν ηγώνισαι λαμπρώς, ως παρθένος ευκλεής, Βαρβάρα Μεγαλομάρτυς. Αλλά μη παύση προσβεύειν, ελεηθήναι τας ψυχάς ημών.

΄Ετερον της Αγίας. ΄Ηχος δ΄.

Βαρβάραν την αγίαν τιμήσωμεν∙  εχθρού γαρ τας παγίδας συνέτριψε, και ως στρουθίον ερρύσθη εξ αυτών, βοηθεία και όπλω του Σταυρού η πάνσεμνος.

Του Οσίου.΄Ηχος γ΄. Θείας πίστεως.

Θείον όργανον, της Εκκλησίας, λύρα εύσημος, της ευσεβείας ανεδείχθης Ιωάννη πανεύφημε∙ όθεν πυρσεύεις του κόσμου τα πέρατα, ταις των σοφών σου δογμάτων ελλάμψεσιν. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

΄Ετερον του Οσίου.΄Ηχος πλ.δ΄.

Ορθοδοξίας οδηγέ, ευσεβείας δδάσκαλε και σεμνότητος, της οικουμένης ο φωστήρ, των μοναζόντων θεόπνευστον εγκαλλώπισμα, Ιωάννη σοφέ, ταις διδαχαίς σου πάντας εφώτισας, λύρα του Πνεύματος∙ πρέσβευε Χριστώ τω Θεώ, σωθήναι τας ψυχάς ημών.

Του Ιερομάρτυρος. ΄Ηχος α΄.  Της ερήμου πολίτης.

Των Αγράφων τον γόνον, Φαναρίου τον πρόεδρον, και Μονής Κορώνης το κλέος, Σεραφείμ ευφημήσωμεν∙ αθλήσας γαρ λαμπρώς υπέρ Χριστού, θαυμάτων επομβρίζει δωρεάς, και λυτρούται νοσημάτων φθοροποιών, τους πίστει ανακράζοντας∙ δόξα τω δεδωκότι σοι ισχύν, δόξα τω σε θαυμαστώσαντι, δόξα τω ενεργούντι δια σπυ, πάσιν ιάματα.

Κ ο ν τ ά κ ι α

Της Αγίας. ΄Ηχος δ΄. Ο υψωθείς

Τω εν Τριάδι ευσεβώς υμνουμένω, ακολουθήσασα σεμνή Αθληφόρε, τα των ειδώλων έλιπες σεβάσματα∙  μέσον σε του σκάμματος, εναθλούσα Βαρβάρα, τυράννων ου κατέπτυξας, απειλάς ανδρειόφρον, μεγαλοφώνως μέλπουσι αεί∙  Τριάδα σέβω, την μίαν Θεότητα.

Του Οσίου. ΄Ομοιον

Τον υμνογράφον τον σεπτόν Ιωάννην, της Εκκλησίας παιδευτήν και φωστήρα, και των εχθρών αντίπαλον υμνήσωμεν, πιστοί∙ όπλον γαρ αράμενος τον Σταυρόν του Κυρίου, πάσαν απεκρούσατο των αιρέσεων πλάνην∙ και ως θερμός προστάτης εις Θεόν, πάσι παρέχει πταισμάτων συγχώρησιν.

Του Ιερομάρτυρος. ΄Ηχος πλ.δ΄.  Τη Υπερμάχω

Της Εκκλησίας τον φωστήρα τον νεόφωτον, και Φαναρίου τον ποιμένα τον θεόκριτον, ανυμνήσωμεν εν άσμασι θεοφθόγγοις∙ Ανατείλας γαρ εσχάτως δι΄αθλήσεως, καταυγάζει Ορθοδόξων τα πληρώματα∙ Χαίροις λέγοντα, Σεραφείμ αξιάγαστε.

Μ ε γ α λ υ ν ά ρ ι α

Της Αγίας

Πατέρα λιπούσα σον δυσσεβή, θυγάτηρ εδείχθης Βασιλέως των ουρανών, υπέρ ου προθύμως, αθλήσασα Βαρβάρα, λυτρούσαι πάσης νόσου τους προσιόντας σοι.

Του Οσίου

Υψηλών δογμάτων ερμηνευτά, ιερών ασμάτων, θεορρήμον υφηγητά, χαίροις Ιωάννη, ο πάντας διεγείρων, τοις μελιχροίς σου ύμνοις,  προς θείας αίνεσιν.

Του Ιερομάρτυρος

Χρίσματι αγίω τελειωθείς, θερμώς αναδέχη, το μαρτύριον της ζωής∙ ού γαρ επησχύνθης, τον ευαγή αγώνα, ω Σεραφείμ διό σε Χριστός εδόξασεν.

 

5.  Του Oσίου και θεοφόρου Πατρός ημών Σάββα του Ηγιασμένου.

Α π ο λ υ τ ί κ ι α

΄Ηχος α΄.  Της ερήμου πολίτης.

Των Οσίων ακρότης και Αγγέλοις εφάμιλλος, ως ηγιασμένος εδείχθης, εκ παιδός Σάββα ΄Οσιε∙ ουράνιον γαρ βίον υπελθών, προς ένθεον ζωήν χειραγωγείς, δια λόγου τε και πράξεως αληθούς, τους πίστει εκβοώντας σοι∙ δόξα τω δεδωκότι σοι ισχύν, δόξα τω σε στεφανώσαντι, δόξα τω ενεργούντο δια σου, πάσιν ιάματα.

΄Ετερον.΄Ηχος πλ.δ΄.

Ταις των δακρύων σου ροαίς, της ερήμου το άγονον εγεώργησας∙  και τοις εκ βάθους στεναγμοίς, εις εκατόν τους πόνους εκαρποφόρησας∙ και γέγονας φωστήρ, τη οικουμένη λάμπων τοις θαύμασι, Σάβα  πατήρ ημών όσιε∙  πρέσβευε Χριστώ τω Θεώ, σωθήναι τας ψυχάς ημών.

Κ ο ν τ ά κ ι ο ν

΄Ηχος πλ.δ΄. Τη υπερμάχω

Ως από βρέφους τω Θεώ θυσία άμωμος, προσενεχθείς δι΄αρετής Σάβα μακάριε, τω σε πριν γεννηθήναι επισταμένω, εχρημάτισας Οσίων εγκαλλώπισμα, πολιστής τε της ερήμου αξιέπαινος∙

διό κράζω σοι∙  Χαίροις πάτερ αοίδιμε.

Μ ε γ α λ υ ν ά ρ ι ο ν

΄Οφθης υποτύπωσις και κανών, θεοφόρε Σάββα, ως του Πνεύματος θησαυρός, Οσίων Πατέρων, ρυθμίζων και ιθύνων, προς κλήρον αφθαρσίας τους πειθομένους σοι.

 

6. Του εν αγίοις Pατρός ημών Νικολάου, αρχιεπισκόπου Μύρων της Λυκίας, του Θαυματουργού.

Α π ο λ υ τ ί κ ι ο ν ΄Ηχος δ΄.

Κανόνα πίστεως, και εικόνα πραότητος, εγκρατείας Διδάσκαλε, ανέδειξέ σε τη ποίμνη σου, η των πραγμάτων αλήθεια∙  δια τούτο εκτήσω τη ταπηνώσει τα υψηλά, τα πτωχεία τα πλούσια, Πάτερ ιεράρχα Νικόλαε∙  πρέβευε Χριστώ τω Θεώ, σωθήναι τας ψυχάς ημών.

Κ ο ν τ ά κ ι ο ν

΄Ηχος γ΄.  Η Παρθένος σήμερον

Εν τοις Μύροις άγιε, ιερουργός ανεδείχθης∙  του Χριστού γαρ όσιε, το Ευαγγέλιον πληρώσας, έθηκας την ψυχήν σου υπέρ λαού σου, έσωσας τους αθώους εκ του θανάτου∙ δια τούτο ηγιάσθης, ως μέγας μύστης Θεού της χάριτος.

Μ ε γ α λ υ ν ά ρ ι ο ν

Ορφανόν προστάτην σε και χηρών, πεινώντων τροφέα, πενομένων τε πλουτιστήν, αιχμαλώτων ρύστην, πλεόντων τε σωτήρα, κεκτήμεθα παμμάκαρ σοφέ Νικόλαε.

 

7.   Του Oσίου πατρός ημών Αμβροσίου, επισκόπου  Μεδιολάνων και Οσίου Γρηγορίου του εν ΄Αθω.

Α π ο λ υ τ ί κ ι α

Του Ιεράρχου. ΄Ηχος δ΄.   Ταχύ προκατάλαβε

Ως θείος διδάσκαλος, και Ιεράρχης σοφός, δογμάτων ακρίβειαν, μυσταγωγείς τους πιστούς, Αμβρόσιε ΄Οσιε∙ λύεις αιρετιζόντων, την αχλύν τοις σοις λόγοις∙ φαίνεις της ευσεβείας, την θεόσδοτον χάριν∙ εν ή τους σε γεραίροντας, συντήρει απήμονας.

Του Οσίου. ΄Ηχος δ΄. Ο ποιμενικός αυλός.

Ο θεοειδής και ισάγγελος βίος σου, τοις εν τω ΄Αθω κανών εχρημάτισεν∙ ως γαρ καθάρας τον νουν δι΄ασκήσεως, του Παρακλήτου εδείχθης κειμήλιον. Αλλά πρέσβευε Χριστώ τω Θεώ, Πάτερ Γρηγόριε, σωθήναι τας ψυχάς ημών.

΄Ετερον του Οσίου. ΄Ηχος δ΄. Ο υψωθείς εν τω Σταυρώ

Λόγους ζωής Πάτερ σοφέ κεκτημένος, τας διανοίας των πιστών καταρδεύεις, και καρποφόρους χάριτι δεικνύεις αεί∙ των αιρετιζόντων δε, κατακλύζεις τας φρένας∙ χάριν αναβλύζων δε, ιαμάτων ακπλύνεις, παθών παντοίων ρύπον αληθώς, ιερομύστα θεόφρον Αμβρόσιε.

Κ ο ν τ ά κ ι α

Του  Ιεράρχου. ΄Ηχος δ΄.  Επεφάνης σήμερον

Ευσεβείας δόγματι, περιαστράπτων, ως φωστήρ εξέλαμψας, τη οικουμένη εκ Δυσμών, καταφωτίζων τους ψάλλοντας∙ χαίροις Πατέρων το κλέος Αμβρόσιε.

Του Οσίου. ΄Ηχος α΄. Χορός αγγελικός.

Εγρήγορσιν αεί, προς ζωής αναβάσεις,, ποιούμενος σοφέ, τους οσίους σου πόνους, εις ύψος ανέδραμες, απαθείας Γρηγόριε∙ όθεν έλαμψας, των αρετών ταις ακτίσι, και κατηύγασας, των Μοναστών τας χορείας, πιστώς επομένας σοι.

Μ ε γ α λ υ ν ά ρ ι α

Του Ιεράρχου

Χαίροις ιερέων η καλλονή, και της Εκκλησίας, στύλος όντως ο θεαυγής∙ χαίροις Ορθοδόξων, δογμάτων μυστολέκτα, Αμβρόσιε τρισμάκαρ Τριάδος πρόμαχε.

Του Οσίου

Χαίροις εγκρατείας υπογραμμός, και της απαθείας, ενδιαίτημα αγλαόν∙ χαίροις φοιτητών σου, ο γρήγορος προστάτης, Γρηγόριε θεόφρον του ΄Αθω καύχημα.

 

8.   Προεόρτια της συλλήψεως της αγίας ΄Αννης∙  και μνήμη του Oσίου πατρός ημών Παταπίου

Α π ο λ υ τ ί κ ι α

Του Οσίου. ΄Ηχος γ΄. Θείας πίστεως.

Θείας κλήσεως, ιχνηλατήσας, εκ νεότητος, τας επιδόσεις, δι’ ασκήσεως τω κόσμω εξέλαμψας∙ και δοξασθείς απαθείας ταις χάρισι, πάθη ποικίλα ιάσαι Πατάπιε. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

΄Ετερον του Οσίου.

Εν σοι Πάτερ ακριβώς διεσώθη το κατ΄εικόνα∙ λαβών γαρ τον σταυρόν, ηκολούθησας τω Χριστώ, και πράττων εδίδασκες, υπεροράν μεν σαρκός, παρέρχεται γαρ∙ επιμελείσθαι δε ψυχής, πράγματος αθανάτου∙ διό και μετά Αγγέλων συναγάλλεται, όσιε Πατάπιε το πνεύμα σου.

Ετερον. ΄Ηχος γ΄. Θείας πίστεως

Θείας κλήσεως, ιχνηλατήσας, εκ νεότητος, τας επιδόσεις, δι΄ασκήσεως τω κόσμω εξέλαμψας∙ και δοξασθείς απαθείας ταις χάρισι, πάθη ποικίλα ιάσαι Πατάπιε. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

Κ ο ν τ ά κ ι ο ν

΄Ηχος γ΄. Η Παρθένος σήμερον

Τον ναόν σου, ΄Αγιε, πνευματικόν ιατρείον, οι λαοί ευράμενοι, μετά σπουδής προσιόντες, ίασιν των νοσημάτων λαβείν αιτούνται, λύσιν τε των εν τω βίω πλημμελημάτων∙ συ γαρ πάντω των εν ανάγκαιρ, προστάτης ώφθης, Πατάπιε όσιε.

Μ ε γ α λ υ ν ά ρ ι ο ν

Βίον θεοτύπωτον εκ παιδός, Πάτερ αγαπήσας, εξενώθης των γεηρών∙ όθεν ωκειώθης, τω ξένοις θευμασίοις, Πατάπιε πλουσίως σε μεγαλύναντι.

 

9.  Η σύλληψις της Αγίας ΄Αννης, της Μητρός της Θεοτόκου∙ και η ανάμνησις των Εγκαινίων.

Α π ο λ υ τ ί κ ι ο ν. ΄Ηχος δ΄.

Σήμερον της ατεκνίας δεσμά διαλύονται∙ του Ιωακείμ γαρ και της ΄Αννης εισακούων Θεός, παρ΄ελπίδα τεκείν αυτούς σαφώς, υποσχνεύται Θεόπαιδα, εξ ης αυτός ετέχθη ο απερίγραπτος, βροτός γεγονώς, δι΄Αγγέλου κελεύσας βοήσαι αυτή∙ Χαίρε Κεχαριτωμένη, ο Κύριος μετά σου.

Κ ο ν τ ά κ ι ο ν

΄Ηχος δ. Επεφάνης σήμερον

Εορτάζει σήμερον η οικουμένη, την της ΄Αννης σύλληψιν, γεγενημένην εν Θεώ∙ και γαρ αυτή απεκύησε, την υπέρ λόγον, τον Λόγον κυήσασα

Μ ε γ α λ υ ν ά ρ ι ο ν

Σήμερον η ΄Αννα η ευκλεής, φύσεως τοις νόμοις, συλλαμβάνει θεία βουλή, την τον Θεόν Λόγον, υπερφυώς τεκούσαν∙ την σύλληψιν ουν ταύτης φαιδρώς αινέσωμεν.

 

10.  Των αγίων Μαρτύρων Μηνά του Καλλικελάδου, Ερμογένους και Ευγράφου.

Α π ο λ υ  τ ί  κ ι α

Των Μαρτύρων. Ηχος γ΄. Την ωραιότητα

Η καλλικέλαδος, θεόφρων γλώσσα σου, λαμπρώς κηρύξασα, Χριστού την σάρκωσιν, συναθλητές σοι ευκλεείς, ειλκήσατο εν σταδίω, Μηνά παμμακάριστε, Ερμογενή τον ένδοξον, και τον θεόν Εύγραφον, μεθ΄ων χαίρων ηγώνισαι. Και νυν την Παναγίαν Τριάδα, υπέρ ημών εκδυσωπείτε.

΄Ετερον των Μαρτύρων. ΄Ηχος πλ.δ΄. Το προσταχθέν

Δι΄εγκρατείας, των παθών τας πυριφλέκτους, απονεκρώσαντες ορμάς και τας κινήσεις, του Χριστού οι Μάρτυρες έλαβον την χάριν, τας νόσους αποδιώκειν των ασθενών, και ζώντες και μετά τέλον θαυματουργείν∙ ότνως θαύμα παράδοξον! ότι οστέα γυμνά, εκβλύζουσιν ιάματα. Δόξα τω μόνω Θεώ ημών.

K ο ν τ ά κ ι α

Των Μαρτύρων. ΄Ηχος α΄. Χορός αγγελικός

Μηνάν τον θαυμαστόν, Ερμογένην τον θείον, και Εύγραφον ομού, ιεραίς μελωδίαις, τιμήσωμεν άπαντες, ως τιμήσαντας Κύριον, και αθλήσαντας, υπέρ αυτού και χορείαν, την ασώματον, εν ουρανοίς πεφθακότας, και θαύματα βλύζοντας.

Του Αγίου Μηνά. ΄Ηχος δ΄. Επεφάνης σήμερον

Της στρατειάς ήρπασε, σε της  προσκαίρου, και αφθάρτου έδειξε, συγκληρονόμον, ω Μηνά, συν τοις συνάθλοις σου o παρασχών σοι τον άφθαρτον στέφανον.

Μ ε γ α λ υ ν ά ρ ι ο ν

΄Ωσπερ λιγυρόφθογγος αηδών, Μηνά τον των όλων, διαγγείλας Δημιουργόν,  Εύγραφον τον θείον, ομού συν Ερμογένει, συμφύτους επεσπάσω τω θείω σκάμματι.

 

11.  Του Oσίου πατρός ημών Δανιήλ του Στυλίτου και Λεοντίου του εν Αχαία Οσίων.

Α π ο λ υ τ ί κ ι α

Του Οσίου Δανιήλ .΄Ηχος α΄.

Υπομονής στύλος γέγονας, ζηλώσας τους προπάτορας όσιε∙ τον Ιώβ εν τοις πάθεσι, τον Ιωσήφ εν τοις πειρασμοί, και την των Ασωμάτων πολιτείαν, υπάρχων εν σώματι. Δανιήλ πατήρ ημών όσιε, πρέσβευε Χριστώ τω θεώ, σωθήναι τας ψυχάς ημών.

΄Ετερον του Οσίου Δανιήλ. ΄Ηχος  δ΄.  Ταχύ προκατάλαβε

Υψώσας το σώμα σου, επί του στύλου σοφέ, τον νούν σου επτέρωσας, προς τον Θεόν ακλινώς, βιώσας ως άγγελος∙ όθεν σε στήλην ζώσαν, ευσεβείας ειδότες, κράζοντας σοι βοώμεν, Δανιήλ θεοφόρε∙ παντοίων ημάς κινδύνων, πρέσβευε ρύεσθαι.

Του Οσίου Λεοντίου.΄Ηχος α΄ . Τον τάφον σου Σωτήρ.

Ασκήσει λαμπρυνθείς, ως χρυσός εν χωνεία, λαμπρύνεις Μοναστών, τους χορούς επομένους, τοις θείοις σου διδάγμασι,  θεοφόρε Λεόντιε∙ όθεν σήμερον, την φωτοφόρον σου μνήμην εορτάζοντες, υπέρ ημών σε πρεσβεύειν, αιτούμεν προν Κύριον.

Κ ο ν τ ά κ  ι α 

Του Οσίου Λεοντίου. ΄Ηχος πλ. δ΄.  Τη Υπερμάχω

Τω της σοφίας προσελθών κρατήρι πάνσοφε, και απολαύσας μυστικώς του θείου νέκταρος, ανεξάντλητον γεγένησαι θείον ρείθρον. Πελαγίζον αμβροσίας νάμα ήδιστον, τοις πιστώς σου εκτελούσι τα μνημόσυνα∙ Και βοώσι σοι, χαίροις Πάτερ Λεόντιε.

΄Ετερον του Οσίου.΄Ηχος β΄. Τα άνω ζητών

Τα άνω ποθών, των κάτω μεθιστάμενος, και άλλον ουρανόν, τον στύλον τεκτηνάμενος, δι΄αυτού απήστραψας, των θαυμάτων την αίγλην ΄Οσιε. Εις αεί Χριστώ τω Θεώ, πρέσβευε σωθήναι τας ψυχάς ημών.

Μ ε γ α λ υ ν ά ρ ι α

Του Οσίου Δανιήλ

΄Ελαμψας εν στύλω οία πυρσός, ταις φωτοβολίαις, των οσίων σου αρετών, και καταπυρσεύεις μαρμαρυγαίς αύλοις, ώ Δανιήλ θεόφρων τους σε γεραίροντας.

Του Οσίου Λεοντίου

Φρόνημα ανδρείον αναλαβών, τον λέοντος δίκην, ωρυόμενον καθ΄ημών, όπλοις εγκρατείας, Λεόντιε καθείλες∙ εξ ού της επηρείας καμέ απάλλαξον.

 

Κυριακή των Αγίων Προπατόρων

Α π ο λ υ τ ί κ ι α

Των Προπατόρων. ΄Ηχος β΄.

Εν πίστει τους Προπάτορας εδικαίωσας, την εξ εθνών δι΄αυτών, προμνηστευσάμενος Εκκλησίαν. Καυχώνται εν δόξη οι ΄Αγιοι, ότι εκ σπέρματος αυτών, υπάρχει καρπός ευκλεής, η ασπόρως τεκούσα σε. Ταις αυτώς ικεσίαις, Χριστέ ο Θεός, σώσον τας ψυχάς ημών.

΄Ετερον. Υπακοή. ΄Ηχος β΄.

Εις δρόσον τοις παισί, το πύρ μετεβάλλετο∙ ο θρήνος εις χαράν, ταις γυναιξίν ενηλλάσσετο∙ ΄Αγγελος γαρ εν αμφοτέροις, διηκόνει τοις θαύμασι∙ τοις μεν εις ανάπαυσιν, μεταποιήσας την κάμινον∙ ταις δε την Ανάστασιν, καταμηνύσας τριήμερον. Ο αρχηγός της ζωής ημών, Κύριε δόξα σοι.

Κ ο ν τ ά κ ι ο ν

΄Ηχος β΄. Αυτόμελον

Χειρόγραφον εικονα μη σεβασθέντες, αλλ΄αγράφω ουσία θωρακισθέντες, τρισμακάριοι εν τω σκάμματι, του πυρός εδοξάσθητε∙ εν μέσω φλογός ανυποστάτου ιστάμενοι, Θεόν επεκαλείσθε∙  Τάχυνον ο οικτίρμων, και σπεύσον ως ελεήμων, εις την βοήθειαν ημών, ότι δύνασαι βουλόμενος.

Μ ε γ α λ υ ν ά ρ ι ο ν

Χαίρετε Προπάτορες του Χριστού∙ εξ υμών γαρ ράβδος, ανεβλάστησεν ευθαλής, ήτις εξανθήσαι, το ζωηφόρον άνθος, εν Βηθλεέμ τη πόλει ήδη επείγεται.

 

12. Του εν αγίοις  Πατρός  ημών Σπυρίδωνος, αρχιεπισκόπου Τριμυθούντος, του Θαυματουργού.

Α π ο λ υ τ ί κ ι ο ν

’ Ηχος α΄. Του λίθου σφραγισθένος

Της Συνόδου της πρώτης ανεδείχθης υπέρμαχος, και θαυματουργός θεοφόρε Σπυρίδων πατήρ ημών∙ διό νεκρά συν εν τάφω προσφωνείς, και όφιν εις χρυσούν μετέβαλες∙ και εν των μέλπειν τας αγίας σου ευχάς, Αγγέλους έχες συλλειτουργούντας σοι ιερώτατε. Δόξα τω σε δοξάσαντι, δόξα τω σε στεφανώσαντι, δόξα τω ενεργούντι δια σου πάσιν ιάματα.

Κ ο ν τ ά κ ι α

΄Ηχος πλ. δ΄. Τη Υπερμάχω

Ως θησαυρόν της συμπαθείας αδαπάνητον, και των θαυμάτων κρήνην όντως πολυχεύμονα, μακαρίζομεν Σπυρίδων σε Ιεράρχα. Αλλ’ ως ρύστης των καλούντων σε οξύτατος, εκ παντοίων απολύτρωσαι κακώσεων. Τους βοώντας σοι, χαίροις Πάτερ πανεύφημε.

΄Ετερον. ΄Ηχος β΄. Τα άνω ζητών

Τω πόθω Χριστού, τρωθείς ιερώτατε, τον νουν πτερωθείς, τη αίγλη του Πνεύματος, πρακτική θεωρία την πράξιν εύρες θεόληπτε, θυσιαστήριον θείον γενόμενος, αιτούμενος πάσι θείαν έλλαμψιν.

Μ ε γ α λ υ ν ά ρ ι ο ν

Χαίροις των θαυμάτων ο ποταμός∙ χαίροις ασθενούντων, και πασχόντων ο ιατρός∙ χαίροις των λογίων, του Πνεύματος ο σπόρος, Σπυρίδων Τριμυθούντος Ποιμήν τρισόλβιε.

       

        13.  Των αγίων Μαρτύρων Ευστρατίου, Αυξεντίου, Ευγενίου, Μαρδαρίου, και Ορέστου∙  και της αγίας Μάρτυρος Λουκίας .

Α π ο λ υ τ ί κ ι α

Των Μαρτύρων. ΄Ηχος δ΄.  Ο υψωθείς εν τω Σταυρώ

Πενταυγής των Αθλοφόρων χορεία, τη των αγώνων νοητή δαδουχία, την οικουμένην άπασαν αυγάζει νοητώς, ο σοφός Ευστράτιος, Αυξεντίω τω θείω, Ορέστης και Μαρδάριος, και Ευγένιος άμα, ούς ευφημούντες είπωμεν πιστοί∙ χαίροις Μαρτύρων, πεντάριθμε σύλλογε.

΄ Ετερον των Μαρτύρων. ΄Ηχος δ΄. Ο υψωθείς εν τω Σταυρώ

Η πενταυγής των Αθλοφόρων χορεία, τη των αγώνων νοητή δαδουχία, την οικουμένην άπασαν αυγάζει νοητώς, ο σοφός Ευστράτιος, Αυξεντίω τω θείω, Ορέστης και Μαρδάνιος, και Ευγένιος άμα, ούς ευφημούντες είπωμεν πιστοί∙ χαίροις Μαρτύρων, πεντάριθμε σύλλογε.

Της Αγίας. ΄Ηχος πλ. α΄. Τον συνάναρχον Λόγον

Παρθενίας φορούσα χλαίναν υπέρλαμπρον, παρθενικώς εμνηστεύθης τω Ζωοδότη Χριστώ, και αγάπη γεηρού μνηστήρος έλιπες∙ όθεν ως δώρα νυμφικά, προσενήνοχας αυτώ, τα ρείθρα των σων αιμάτων, Λουκία Παρθενομάρτυς∙ ω και πρεσβεύεις υπέρ πάντων ημών.

Κ ο ν τ ά κ ι α

Του Αγίου Ευσταθίου.

΄Ηχος β΄. Την εν πρεσβείαις ακοίμητον

Φωστήρ εφάνης λαμπρότατος τοις εν σκότει, της αγνωσίας καθημένοις Αθλοφόρε∙ πίστιν ως δόρυ δε περιθέμενος, των δυσμενών τα θράση, ου επτοήθης Ευστράτιε, ρητόρων υπάρχων ευγλωττότερος.

Της Αγίας. ΄Ηχος γ΄. Η Παρθένος σήμερον

Την λαμπράν σου άθλησιν, ανευφημούντες εν πόθω, ως αγνήν παρθένον σε, και αθληφόρον τιμώμεν∙ μόνον γαρ, Χριστού το κάλλος επιποθούσα, άπασαν, απεβδελύξω φθαρτών ιδέαν∙ δια τούτο και τμηθείσα, αφθάρτου δόξης, Λουκία έτυχες.

Μ ε γ α λ υ ν ά ρ ι α

Των Μαρτύρων

Σύμμορφοι εν άθλοις τοις ιεροίς, Ευστράτιε μάκαρ, και Αυξέντιε ιερέ, συν τω Ευγενίω, Μαρδάριε Ορέστα, ημάς εν ομονοία διατηρήσατε.

Της Αγίας

Φίλτρα πτερωθείσα τω θεϊκώ, μνήστορος γηίνου, υπερέδραμες την στοργήν, και οδμάς αύλοις, του Λόγου επομένη, Λουκία Αθλοφόρε νομίμως ήθλησας.

 

14.  Των αγίων Μαρτύρων Θύρσου, Λευκίου, Καλλινίκου, Φιλήμονος, Απολλωνίου, Αρριανού και των συν αυτώ.

Α π ο λ υ τ ί κ ι ο ν

΄Ηχος γ΄.  Την ωραιότητα

Την εξαστέλεχον, Μαρτύρων φάλαγγα, ασμάτων άνθεσιν, ανευφημήσωμεν, ως καθαιρέτας του εχθρού, και στύλους της ευσεβείας Θύρσον και Φιλήμονα, και στερρόν Απολλώνιον, Αρριανόν Καλλίνικον, και τον ένδοξον Λεύκιον∙ αυτοί γαρ ουρανίων χαρίτων, κόσμω πυρσεύουσι την αίγλην.

Κ ο ν τ ά κ ι ο ν

΄Ηχος δ΄. Επεφάνης σήμερον.

Τους φωστήρας άπαντες, της Εκκλησίας, συνελθόντες σήμερον, εν εγκωμίοις ιεροίς, ανευφημούντες  υμνήσωμεν, ως Αθλοφόρους, Χριστού του Θεού ημών.

Μ ε γ α λ υ ν ά ρ ι ο ν

Δήμος αγιόλεκτος και σεπτός, πρόκειται εις αίνον, Αθλοφόρων θεοστεφών, ως τας αριστείας, πνευματικώς τιμώντες, την τούτων μυηθώμεν θείαν ανάβασιν.

 

15.  Του αγίου Ιερομάρτυρος  Ελευθερίου.

Α π ο λ υ τ ί κ ι α

΄Ηχος πλ.α΄. Τον Συνάναρχον Λόγον

Ιερέων ποδήρει κατακοσμούμενος και αιμάτων τοις ρείθροις επισταζόμενος, τω Δεσπότη σου Χριστώ, μάκαρ ενέδραμες, Ελευθέριε σοφέ, καθαιρέτα του Σατάν. Διό μη παύση πρεσβείων υπέρ των πίστει τιμώντων, την μακαρίαν σου άθλησιν.

΄Ετερον. ΄Ηχος β΄.

Και τρόπων μέτοχος, και θρόνων διάδοχος, των Αποστόλων γενόμενος, την πράξιν εύρες θεόπνευστε, εις θεωρίας επίβασιν∙ δι ατούτο τον λόν της αληθείας ορθοτομών, και τη πίστει ενήθλησας μέχρι αίματος, ιερομάρτυς Ελευθέριε∙ πρέσβευε Χριστώ τω Θεώ, σωθήναι τας ψυχάς ημών.

Κ ο ν τ ά κ ι ο ν

΄Ηχος β΄. Τους ασφαλείς

Ως καλλονήν των ιερέων όσιε, και προτροπήν των αθλοφόρων άπαντες, ευφημούμεν και αιτούμεν σε, ιερομάρτυς Ελευθέριε. Τους πόθω σου την μνήμην εορτάζοντας, κινδύνων πολυτρόπων ελευθέρωσον, πρεσβεύων απαύστως, υπέρ πάντων ημών.

Μ ε γ α λ υ ν ά ρ ι ο ν

Της ελευθερίας της εν Χριστώ, τοις δεδουλωμένοις, χρηματίσας μυσταγωγός, κληρονόμος ώφθης, Σιών της ελευθέρας, αθλήσας Ελευθέριε ως ασώματος.

 

16. Του αγίου Προφήτου Αγγαίου∙  και του εν αγίοις Πατρός ημών Μοδέστου αρχιεπισκόπου Ιεροσολύμων, του θαυματουργού∙  και της αγίας θαυματουργού Θεοφανούς της Βασιλίσσης.

Α π ο λ υ τ ί κ ι α

Του Προφήτου. ΄Ηχος δ΄. Ταχύ προκατάλαβε

Προφήτης θεόληπτος, οία θεράπων Θεού, τω κόσμω ενδέδειξαι, ανακαθάρας τον νουν, Αγγαίε πανεύφημε∙ όθεν εορταζόντων, ένθα πέφυκεν ήχος, ήρθης ως εορτάζων, εν Θεώ φερωνύμως∙ ω πρέσβευε θεηγόρε, σώζεσθαι άπαντας.

Του Ιεράρχου. ΄Ηχος γ΄. Θείας πίστεως

Θείων έργων σου, τη επιδείξει, πάσαν εύφρανας, Σιών την θείαν, των Αποστόλων πλουτήσας την έλλαμψιν, και τω Σωτήρι οσίως ιέρευσας, ιεραρχία και βίου λαμπρότητι. Πάτερ Μόδεστε, Χριστόν τον Θεόν ικέτευε, δωρήσασθαι ημίν το μέγα έλεος.

Της Αγίας. ΄Ηχος δ΄. Ο υψωθείς εν τω Σταυρώ

Προελομένη τα ουράνια πόθω Θεοφανώ, την βιοτικήν διεξήλθες αγγελικώς, εν γη περιπολεύουσα∙ όθεν κατηξίωσαι ουρανίων χαρίτων, συν Αγγέλων τάξεσι και αγίων χορείαις, παρισταμένη τω παμβασιλεί, ον εκδυσώπει ευρείν ημάς έλεος.

Κ ο ν τ ά κ ι α

Του Προφήτου. ΄Ηχος β΄.  Τοις των αιμάτων σου.

Καταυγασθείς τη ελλάμψει του Πνεύματος, προφητικώς διαλάμπεις τοις πέρασι, και τύποις τρανώσας τα μέλλοντα, περιφανής δια βίου γεγένησαι, Αγγαίε Προφήτα θεόσοφε.

Του Ιεράρχου. ΄Ηχος δ΄. Επεφάνης σήμερον

Ιεράρχης όσιος Πάτερ εδείχθης, εν Σιών ως άγγελος, ιερατεύσας τω Χριστώ∙ διό αξίως δεδόξασαι, Πατριαρχών εγγαλώπισμα Μόδεστε.

Της Αγίας , ΄Ηχος πλ. δ΄. Τη Υπερμάχω

Την εν τω μέσω ανακτόρων αναλάμψασαν, ως εν ερήμω αγιότητος ταις λάμψεσινμ ως θεόφρονα τιμήσωμεν βασιλίδα∙ Βασιλείαν γαρ λιπούσα την επίγειον, την ουράνιον ενθέως εκληρώσατο. Χαίροις είπωμεν, Θεοφανώ παμμακάριστε.

΄Ετερον της Αγίας. ΄Ηχος δ΄. Επεφάνης σήμερον

Εορτήν σου σήμερον, την λαμπροτάτην, εκτελούντες κράζομεν Θεοφανώ, πανευσεβώς, οι σε υμνούντες∙ Διάσωσον από παντοίων κινδύνων τους δούλους σου.

Μ ε γ α λ υ ν ά ρ ι α

Του Προφήτου

΄Αγγος χαρισμάτων προφητικών, Αγγαίε Προφήτα, ανεδείχθης δι΄αρετών, εξ ων καμοί μάκαρ, μετάδος ουρανόθεν, ίνα προς σωτηρίαν τρίβαν αφίκωμαι.

Της Αγίας

Της θεοφανείας της μυστικής, την βουλήν πληρούσα, ως βασίλισσα νουνεχής, της υπερκοσμίου, επέβης βασιλείας, Θεοφανώ Οσία αξιοθαύμαστε.

 

17.  Του αγίου Προφήτου Δανιήλ,  και των αγίων τριών Παίδων Ανανίου, Αζαρίου και Μισαήλ∙  και  του εν αγίοις πατρός ημών Διονυσίου, αρχιεπισκόπου  Αιγίνης, του Θαυματουργού, του εκ της νήσου Ζακύνθου.

Α π ο λ υ τ ί κ ι α

Των Οσίων Παίδων και του Προφήτου. ΄Ηχος β΄.

Μεγάλα τα της πίστεως κατορθώματα! εν τη πηγή της φλογός, ως επί ύδατος αναπαύσεως, οι άγιοι Τρεις Παίδες ηγάλλοντο∙ και ο προφήτης Δανιήλ, λεόντων ποιμήν, ως προβάτων εδείκνυτο. Ταις αυτών ικεσίαις Χριστέ ο Θεός, ελέησον ημάς.

Του Ιεράρχου. ΄Ηχος α΄. Του λίθου σφραγισθένος

Της Ζακύνθου τον γόνον και Αιγίνης τον πρόεδον, τον φρουρόν Μονής των Στροφάδων, Διονύσιον άπαντες, τιμήσωμεν συμφώνως οι πιστοί, βοώντες προς αυτόν ειλικρινώς∙ σαις λιταίς  τους την σην μνήμην επιτελούντες, σώζε και βοώντας σοι∙ Δόξα τω σε δοξάνατι Χριστώ, δόξα τω σε θαυμαστώσαντι, δόξα τω δωρησαμένω σε ημίν, πρέσβυν ακοίμητον.

Κ ο ν τ ά κ ι α

Του Προφήτου, από γ΄ Ωδής. ΄Ηχος γ΄. Η Παρθένος σήμερον

Καθαρθείσα Πνεύματι, η καθαρά σου καρδία, προφητείας γέγονε, φαεινοτάτης δοχείον∙ βλέπει γαρ, ως ενεστώτα τα μακράν όντα, λέοντας, αποφιμοίς δε βληθείς εν λάκκω∙ δια τούτο σε τιμώμεν, προφήτα μάκαρ, Δανιήλ ένδοξε.

Των Αγίων, αφ΄έκτης. ΄Ηχος β΄. Αυτόμελον

Χειρόγραφον εικόνα μη σεβασθέντες, αλλ΄αγράφω ουσία θωρακισθέντες, Τρισμακάριοι εν τω σκάμματι, του πυρός εδοξάσθητε∙ εν μέσω δε φλογός ανυποστάτου ιστάμενοι, Θεόν επεκαλείσθε∙ Τάχυνον ο οικτίρμων, και σπεύσον ως ελεήμων, εις την βοήθειαν ημών, ότι δύνασαι βουλόμενος.

Και του Ιεράρχου. ΄Ηχος γ΄. Η Παρθένος σήμερον.

Ευχαρίστοις άσμασι των Ζακυνθίων η νήσος, ανυμνείν προτρέπεται, πάντας πιστούς συγκαλούσα, μέγιστον των εν ανάγκαις θερμόν προστάτην, ρύστην δε των τοις κινδύνοις συνεχομένων, και γεραίρουσα κραυγάζει∙ χαίρε το κλέος πιστών, Διονύσιε.

Μ ε γ α λ υ ν ά ρ ι α

Του Προφήτου

Τόκον της Παρθένου προκατιδών, Δανιήλ Προφήτα, ως της χάριτος οφθαλμός, πίστει των λεόντων, ενέφραξας το στόμα∙ ένθεν την αρετήν σου πάντες ηδέσθησαν.

Των Παίδων

Θάλαμον οι Παίδες πνευματικόν, δρόσω της Τριάδος, απειργάσαντο εμφανώς, την επταπλασίως, κάμινον εκκαφθείσαν, εν ή χοροβατούντες Θεόν δοξάζουσι.

Του Ιεράρχου

Χαίροις της Ζακύνθου γόνος λαμπρός, πρόεδρος Αιγίνης, και Στροφάδων μέγας φρουρός∙ χαίροις Εκκλησίας, νέος φωστήρ τρισμάκαρ, Αρχιερέων δόξα ώ Διονύσιε.

18. Του αγίου Μάρτυρος Σεβαστιανού και των συν αυτώ, και Μοδέστου Ιεροσολύμων του   Θαυματουργού.

Α π ο λ υ τ ί κ ι α

Των Μαρτύρων. Ηχος α΄.  Της ερήμου πολίτης.

Συγκλήτου σφαλλομένης παριδών τα συνέδρια, Σεβαστιανά πανολβίαν, συναγείρεις συνέλεσιν, Μαρτύρων αληθώς πανευκλεών, συν σοί καταβαλόντων τον εχθρόν, μεθ΄ών θείας συναυλίας αξιωθείς, φαιδρύνεις τους βοώντας σοι∙ δόξα τω δεδωκότι σοι ισχύν, δόξα τω σε στεφανώσαντι, δόξα τω ενεργούντι δια σου, πάσιν ιάματα.

΄Ετερον των Μαρτύρων. ΄Ηχος δ΄.

Οι Μάρτυρές σου Κύριε, εν τη αθλήσει αυτών, στεφάνους εκομίσαντο της αφθαρσίας, εκ σου του Θεού ημών∙ σχόντες γαρ την ισχύν σου, τους τυράννους καθείλον, έθραυσαν και δαιμόνων, τα ανίσχυρα θράση. Αυτών ταις ικεσίαις Χριστέ ο Θεός, σώσον τας ψυχάς ημών.

Του Ιεράρχου. ΄Ηχος γ΄.  Θείας πίστεως

Θείων έργων σου, τη επιδείξει, πάσαν εύφρανας, Σιών την θείαν, των Αποστόλων πλουτήσας την έλλαμψιν, και τω Σωτήρι οσίως ιέρευσας, ιεραρχία και βίου λαμπρότητι. Πάτερ Μόδεστε, Χριστόν τον Θεόν ικέτευε, δωρήσασθε ημίν το μέγα έλεος.

Κ ο ν τ ά κ ι α

Προεόρτιον.΄Ηχος α΄. Χορός αγγελικός

Ευφραίνου Βηθλεέμ, Εφραθά ετοιμάζου∙ ιδού γαρ η Αμνάς, τον Ποιμένα τον μέγαν, εν μήτρα βαστάζουσα, του τεκείν κατεπείγεται∙ ον περ βλέποντες, οι θεοφοόροι Πατέρες, επαγάλλονται, μετά Ποιμένων υμνούντες, Παρθένον θηλάζουσαν.

Των Μαρτύρων. ΄Ηχος δ΄.  Ο υψωθείς εν τω Σταυρώ

Της ευσεβείας διαπρέπων τω ζήλω μαρτυρικόν συνασπισμόν συναγείρεις, ών εν τω μέσω ήστραψας ως άστρον φαεινόν∙ όθεν και τοις βέλεσιν, οις ετρώθης το σώμα, του εχθρού κατέτρωσας, την καρδίαν καιρίως, Μεγαλομάρτυς Σεβαστιανέ∙ διό Χριστός σε, ενθέως εδόξασεν.

Του Ιεράρχου. ΄Ηχος δ΄. Επεφάνης σήμερον

Ιεράρχης όσιος Πάτερ εδείχθης, εν Σιών ως άγγελος, ιερατεύσας τω Χριστώ∙ διο αξίως δεδόξασαι, Πατριαρχών εγκαλλώπισμα Μόδεστε.

Μ ε γ α λ υ ν ά ρ ι α 

Των Μαρτύρων

Πούλημα το Θείον αποπλητών, βουλής ασεβούντων, απεμάκρυνας σεαυτόν, και συν Αθληφόροις, Χριστώ προσωκειώθης∙ ώ Σεβαστιανέ σε όθεν δοξάζομεν.

Του Ιεράρχου

Χαίροις Εκκλησίας άστρον λαμπρόν, και Σιών της θείας, ο κοσμήτων ο ιερός∙ χαίροις Ιεράρχα, Μόδεστε θεοφόρε, ημών προς τον Δεσπότη πρέσβης θερμότατος.

 

Κυριακή πρό Χριστού Γεννήσεως.

Α π ο λ υ τ ί κ ι α

Προεόρτιον. Από γ΄ Ωδής, η Υπακοή. ΄Ηχος πλ. δ΄.

΄Αγγελος Παίδων εδρόσισε κάμινον, νυν δε Γυναικών κλαυθμόν διεκώλυε, λέγων∙ Τι επιφέρεσθε μύρα; τίνα ζητείτε εν τάφω; ανέστη ο Χριστός και Θεός∙ υπάρχει γαρ ζωή και σωτηρία, τους γένους των ανθρώπων.

Των Πατέρων. ΄Ηχος β΄.

Μεγάλα τα της πίστεως κατορθώματα! εν τη πηγή της φλογός, ως επί ύδατος αναπαύσεως, οι άγιοι Τρεις Παίδες ηγάλλοντο∙ και ο προφήτης Δανιήλ , λεόντων ποιμήν, ως πρόβατον εδείκνυτο. Ταις αυτών ικεσίαις, Χριστέ ο Θεός, σώσον τας ψυχάς ημών.

Μ ε γ α λ υ ν ά ρ ι ο ν

Νόμος και Δικαίων πάσα πληθύς, άμα Πατριάρχαι, και Προφήται συν Γυναιξί, ταις Θεοτιμήτοις, προβλέποντας σκιρτώσιν, εν Βηθλεέμ τη πόλει, Χριστόν τικτόμενον.

 

19.  Του αγίου Μάρτυρος  Βονιφατίου.

Α π ο λ υ τ ί κ ι ο ν

΄Ηχος δ΄. Ταχύ προκατάλαβε.

Μαρτύρων την εύκλειαν, ιχνηλατήσας θερμώς, Χριστόν ωμολόγησας, επί απίστων στερρώς, σοφέ Βονιφάτιε∙ όθεν καθάπερ πλούτον, αδαπάνητον Μάρτυς, δεδωκάς σου το σώμα, τη σεμνή Αγλαία∙ εξ ού τω κόσμω πηγάζει, ρώσις και έλεος.

Κ ο ν τ ά κ ι ο ν

΄Ηχος δ΄.  Επεφάνης σήμερον

Ιερείον άμωμον, εθελουσίως, σεαυτόν προσήγαγες, τω εκ Παρθένου δια σε, τεχθήναι μέλλοντι ΄Αγιε, στεφανηφόρε σοφέ Βονιφάτιε.

Μ ε γ α λ υ ν ά ρ ι ο ν

΄Αθλοις απαθείας καταυγασθείς, παθών της δουλείας, απεσείσω τον σκοτασμόν, και ανδραγαθήσας, υιός φωτός εδείχθης, ως Αθλητής του Λόγου ώ Βονιφάτιε.

 

20.  Προεόρτια της κατά σάρκα Γεννήσεως του Κυρίου ημών Ιησού Χριστού∙ και μνήμη του αγίου Ιερομάρτυρος Ιγνατίου του Θεοφόρου.

Α π ο λ υ τ ί κ ι α

Προεόρτιον ΄Ηχος δ΄. Κατεπλάγη Ιωσήφ

Ετοιμάζου Βηθλεέμ∙ ήνοικται πάσιν η Εδέμ Ευτρεπίζου Εφραθά, ότι το ξύλον της ζωής, εν τω Σπηλαίω εξήνθησεν εκ της Παρθένου. Παράδεισον και γαρ, η εκείνης γαστήρ, εδείχθη νοητός, εν ω το θείον φυτόν∙ εξ ου φαγόντες ζήσομεν, ουχί δε ως ο Αδάμ τεθνηξόμεθα. Χριστός γεννάται, την πριν πεσούσαν, αναστήσων εικόνα.

Του Αγίου. ΄Ηχος γ΄. Θείας πίστεως.

Θείω έρωτι, επτερωμένος, του σε ψαύσαντος, χερσίν αχράντοις, Θεοφόρος ανεδείχθης Ιγνάτιε∙ και εν τη Δύσει τελέσας τον δρόμον σου, προς την ανέσπερον λήξιν εσκήνωσας. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

 

΄Ετερον του Αγίου.΄Ηχος  γ΄.  Θείας  πίστεως.

Θείω έρωτι, επτερωμένος, του σε ψαύσαντος χερσίν αχράντοις, Θεοφόρος ανεδείχθης Ιγνάτιε∙ και εν τη Δύσει τελέσας τον δρόμον σου, προς την ανέσπερον λήξιν εσκήνωσας. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

Κ ο ν τ ά κ ι α

Προεόρτιον.Από γ΄ Ωδής.΄Ηχος γ΄. Αυτόμελον

Η Παρθένος σήμερον, τον προαιώνιον Λόγον, εν σπηλαίω έρχεται, αποτεκείν απορρήτως. Χόρευε, η οικουμένη ακουτησθείσα, δόξασον, μετά Αγγέλων και των Ποιμένων, βουληθέντα εποφθήναι, Παιδίον νέον, τον προ αιώνων Θεόν.

Του Αγίου. Αφ΄έκτης Ωδής.΄Ομοιον

Των λαμπρών αγώνων σου, η φωτοφόρος ημέρα, προκηρύττει άπασι, τον εκ Παρθένου τεχθέντα∙ τούτου γαρ, διψών εκ πόθου κατατρυφήσαι, έσπευσας, υπό θηρίων αναλωθήναι∙ δια τούτο Θεοφόρος, προσηγορεύθης, Ιγνάτιε ένδοξε.

Μ ε γ α λ υ ν ά ρ ι α

Προεόρτιον

Σώματα αγνίσωμεν και ψυχάς, και μετά λαμπάδων, υπαντήσωμεν φαεινών, τω εν τω Σπηλαίω, τεχθήναι ερχομένω, Αυτώ αναβοώντες Κύριε δόξα σοι.

Του Αγίου

΄Υδωρ το αλλόμενον εις ζωήν, Ιγνάτιε Πάτερ, θησαυρίσας εν τή ψυχή, έσπευσας τεθνάναι, υπό θηρών αγρίων∙ διό την μακαρίαν ζωήν ετρύγησας.

 

21.  Της αγίας Mάρτυρος Ιουλιανής, της εν Νικομηδεία.

Α π ο λ υ τ ί κ ι ο ν

΄Ηχος δ΄.  Ταχύ προκατάλαβε

Ως νύμφη πανάμωμος, και αθλοφόρος σεμνή, τω Λόγω νενύμφευσαι, του αθανάτου Πατρός, Ιουλιανή ένδοξε∙ συ γαρ φθαρτόν μνηστήρα, παριδούσα εμφρόνως, ήθλησας υπέρ φύσιν, και τον όφιν καθείλες. Και νυν ταις του νυμφίου σου, τρυφάς φαιδρότησι.

Κ ο ν τ ά κ ι ο ν

΄Ηχος α΄.  Χορός αγγελικός

Παρθένος παγκαλής, και περίδοξος Μάρτυς, εδείχθης αληθώς, θείω φίλτρω τρωθείσα∙ διό αμφοτέρωθεν, διαλάμπουσα ένδοξε, προς ουράνιον, μετεβιβάσθης νυμφώνα, ικετεύουσα, δια παντός Αθλοφόρε, υπέρ των τιμώντων σε.

Μ ε γ α λ υ ν ά ρ ι ο ν

Κήπος παρθενίας πολυανθής, αθλήσεως φέρων,άνθη εύοσμα και τερπνά, ώφθης Αθληφόρε, τοις ιεροίς σου πόνοις∙ ώ Ιουλιανή σε όθεν γεραίρομεν.

 

22.  Της αγίας Μεγαλομάρτυρος Αναστασίας, της Φαρμακολυτρίας.

Α π ο λ υ τ ί κ ι ο ν

΄Ηχος  πλ..α΄. Τον συνάναρχον Λόγον

Των Μαρτύρων ταις χρείας διακονήσασα, μαρτυρικώς εμιμήσω τας αριστείας αυτών δι΄αθλήσεως εχθρόν καταπαλαίσασα∙ όθεν βλυστάνεις δαψιλώς, χάριν άφθονον αεί, θεόφρον Αναστασία, τοις προσιούσιν εκ πόθου, τη αρωγή της προστασίας σου.

Κ ο ν τ ά κ ι ο ν

΄Ηχος β΄. Τα άνω ζητών

Οι εν πειρασμοίς, και θλίψεσιν υπάρχοντες, προς τον σον ναόν, προστρέχοντες λαμβάνουσι, τα σεπτά ιάματα, της εν σοι οικούσης θείας χάριτος. Αναστασία συ γαρ αεί, τω κόσμω πηγάζεις τα ιάματα.

Μ ε γ α λ υ ν ά ρ ι ο ν

Φάρμακα προέχουσα μυστικά, ψυχών και σωμάτων, θεραπεύεις πάθη δεινά, ώ Αναστασία, τη θεία ενεργεία∙ διό τας χάριτάς σου πάντες κηρύττομεν.

 

23.  Των εν Κρήτη, Αγίων Δέκα Μαρτύρων

Α π ο λ υ τ ί κ ι α

΄Ηχος γ΄. Την ωραιότητα.

Κρήτης τα εύοσμα, άνθη τιμήσωμεν, τα διαπνέοντα,οσμήν την ένθεον, Θεόδουλον και Ζωτικόν, Γελάσιον, Σατορνίνον, Εύπορον Ευάρεστον, Αγαθόποδα Πόμπιον, Ευνικιανόν ομού, Βασιλείδην τε ένδοξον, βοώντες προς αυτούς ομοφώνως, χαίρε Δεκάς ή των Μαρτύρων.

΄Ετερον. ΄Ηχος γ΄. Την ωραιότητα

Την πολυθαύμαστον Κρήτην τιμήσωμεν, την εξανθήσασαν άνθη τα τίμια, τους μαργαρίτας του Χριστού, Μαρτύρων τους ακρέμονας. Δέκα γαρ υπάρχοντες, αριθμώ οι μακάριοι, δύναμιν μυριόπλοκον των δαιμόνων κατήσχυναν∙ διό και τους στεφάνους εδέξαντο, Μάρτυρες Χριστού καρτερόψυχοι.

Κ ο ν τ ά κ ι ο ν

΄Ηχος δ΄. Επεφάνης σήμερον

Εωσφόρος έλαμψεν, η των Μαρτύρων, σεβασμία άθλησις, προκαταυγάζουσα ημίν, τον εν Σπηλαίω τικτόμενον, ον η Παρθένος ασπόρως εκύησεν.

Μ ε γ α λ υ ν ά ρ ι ο ν

΄Ομιλος θεόκλητος και σεπτός, πίστει συνημμένοι, και αγάπη ειλικρινεί, ώφθησαν εν Κρήτη, οι Δέκα Αθλοφόροι, εχθρών τας μυριάδας καταπαλαίσαντες.

 

24.  Παραμονή  της Χριστού Γεννήσεως. Της·αγίας Οσιομάρτυρος Ευγενίας.

Α π ο λ υ τ ί κ ι α

Προεόρτιον. ΄Ηχος δ΄. Κατεπλάγη Ιωσήφ

Απεγράφετο ποτέ, συν τω πρεσβύτη Ιωσήφ, ως εκ σπέρματος Δαυίδ, εν Βηθλεέμ η Μαριάμ, κυοφορούσα την άσπορον κυοφορίαν. Επέστη δε καιρός ο της γεννήσεως, και τόπος ην ουδείς τω καταλύματι∙ αλλ΄ως τερπνόν παλάτιον, το σπήλαιον, τη Βασιλίδι εδείκνυτο. Χριστός γεννάται, την πριν πεσούσαν, αναστήσων εικόνα.

Της Αγίας. ΄Ηχος γ΄.  Θείας πίστεως

Θείου Πνεύματος τη υμνωδία, φως προσέλαβες, θεογνωσίας, Ευγενία Χριστού καλλιπάρθενε∙ και εν Οσίων χορεία εκλάμψασα, αθλητικές τον εχθρόν εθριάμβευσας. Μάρτυς ένδοξε, Χριστόν τον Θεόν ικέτευε, δωρήσασθαι ημίν το μέγα έλεος.

Μ ε γ α λ υ ν ά ρ ι α

Προεόρτιον

Φάτνη ετοιμάζου τα της δοχής, σπεύσατε ποιμένες, και οι Μάγοι εκ των Περσών, συν τοις Ασωμάτοις, εν Βηθλεέμ βοήσαι∙ δόξα τω τικτομένω σώσαι τα σύμπαντα.

Της Αγίας

΄Ορπηξ ευγενείας θεοειδούς, ήθεσιν οσίοις και αγώσιν αθλητικοίς, ώφθης Ευγενία∙ εντεύθεν ενυμφεύθης, τω Υπερθέω Λόγω ως καλλιπάρθενος.

 

25.   Η κατά σάρκα Γέννησις του Κυρίου  και Θεού και Σωτήρος ημών Ιησού Χριστού.

Α π ο λ υ τ ί κ ι α

Της Εορτής. ΄Ηχος δ΄.

Η Γέννησίς  σου Χριστέ ο Θεός ημών, ανέτειλε τω κόσμω το φως το της γνώσεως∙ εν αυτή για οι τοις άστροις λατρεύοντες, υπό αστέρος εδιδάσκοντο, σε προσκυνείν τον ΄Ηλιον της δικαιοσύνης, και σε γινώσκειν εξ ύψους Ανατολήν. Κύριε δόξα σοι.

Από γ΄Ωδής  η Υπακοή.  Ήχος πλ. δ΄.

Την απαρχήν των εθνών, ο ουρανός σοι προσεκόμισε, τω κειμένω Νηπίω εν φάτνη, δι΄Αστέρος τους Μάγους καλέσας∙ ους και κατέπληττεν, ου σκήπτρα και θρόνοι, αλλ΄εσχάτη πτωχεία∙ τι γαρ ευτελέστερον σπηλαίου; τι δε ταπεινότερον σπαργάνων; εν οις διέλαμψεν ο της Θεότητός σου πλούτος. Κύριε δόξα σοι.

Κ ο ν τ ά κ ι ο ν

Αφ΄έκτης Ωδής. ΄Ηχος γ΄. Αυτόμελον.

Η Παρθένος σήμερον, τον Υπερούσιον τίκτει, και η γη το Σπήλαιον, τω απροσίτω προσάγει. ΄Αγγελοι, μετά Ποιμένων δοξολογούσι. Μάγοι δε, μετά αστέρος οδοιπορούσι∙ δι΄ημάς γαρ εγεννήθη, Παιδίον νέον, ο προ αιώνων Θεός.

Μ ε γ α λ υ ν ά ρ ι ο ν

Δόξα εν υψίστοις πάσα πνοή, εν χαρά βοάτω τω τεχθέντι εν Βηθλεέμ∙ επι γής γαρ ώφθη, δωρούμενος ειρήνην∙ την τούτου προσκυνήσωμεν θείαν Γέννησιν.

 

26.  Η Σύναξις της Υπεραγίας Θεοτόκου∙ και του αγίου Ιερομάρτυρος Ευθυμίου, μητροπολίτου Σάρδεων.

Α π ο λ υ τ ί κ ι ο ν

΄Ηχος δ΄. Ταχύ προκατάλαβε.

Ως βρέφος βαστάζουσα, εν ταις αγκάλαις Αγνή, των πάντων Δεσπόζοντα, σάρκα λαβόντα εκ σου, χαρά ώφθης πρόξενος∙ όθεν πάσα η κτίσις, ανυμνεί χαρμοσύνως, σήμερον Θεοτόκε, την φρικτήν σου λοχείαν∙ πηγήν γαρ αθανασίας, κόσμω εκύησας.

Κ ο ν τ ά κ ι ο ν 

Εφ΄έκτης .΄Ηχος πλ. β΄.

Ο προ εωσφόρου εκ Πατρός, αμήτωρ γεννηθείς, επί της γης απάτωρ εσαρκώθη, σήμερον εκ σου∙ όθεν Αστήρ ευαγγελίζεται Μάγοις∙ ΄Αγγελοι δε μετά Ποιμένων υμνούσι, τον άχραντον Τόκον σου, η Κεχαριτωμένη.

Μ ε γ α λ υ ν ά ρ ι ο ν

Θρόνος επηρμένος πέλεις Αγνή, φέρουσα ως βρέφος, τον τα πάντα εν τη δρακί, φέροντα ως Κτίστην∙ υμνούμεν σου Παρθένε, την όντως υπέρ λόγον μεγαλειότητα.

 

Κυριακή μετά την Χριστού Γέννησιν. Μνήμη των Αγίων Ιωσήφ του Μνήστορος της Παρθένου, Δαβίδ του Προφητάνακτος και Ιάκωβου του Αδελφοθέου.

Α π ο λ υ τ ί κ ι ο ν

Των Αγίων. ΄Ηχος β΄.

Ευαγγελίζου Ιωσήφ, τω Δαυίδ τα θαύματα τω θεοπάτορι∙ Παρθένον είδες κυοφορούσαν∙ μετά Ποιμένων εδοξολόγησας∙ μετά των Μάγων προσεκύνησας, δι΄Αγγέλου χρηματισθείς. Ικέτευε Χριτόν τον Θεόν, σωθήναι τας ψυχάς ημών.

Κ ο ν τ ά κ ι ο ν

΄Ετερον. ΄Ηχος γ΄.  Η  Παρθένος σήμερον

Ευφροσύνης σήμερον, Δαυίδ πληρούται ο θείος, Ιωσήφ τε αίνεσιν, συν Ιακώβω προσφέρει∙ στέφος γαρ τη συγγενεία Χριστού λαβόντες, χαίρουσι, και τον αφράστως εν γη τεχθέντα, ανυμνούσι και βοώσιν∙ Οικτίρμον σώζε τους σε γεραίροντας.

Μ ε γ α λ υ ν ά ρ ι ο ν

Μνήστωρ της Παρθένου ο Ιωσήφ, και φύλαξ εδείχθη, Θεοπάτωρ δε ο Δαβίδ, Ιάκωβος δ΄ομαίμων του Λόγου ωνομάσθη∙ διό και τη γεννήσει τούτου συγχαίρουσιν.

 

27.  Του αγίου Πρωτομάρτυρος  και αρχιδιακόνου Στεφάνου∙  και του Οσίου πατρός ημών και Ομολογητού  Θεοδώρου του Γραπτού.

Α π ο λ υ τ ί κ ι α

Του  Πρωτομάρτυρος. Ηχος δ΄. Ταχύ προκατάλαβε

Βασίλειον διάδημα, εστέφθη συ κορυφή, εξ άθλων ων υπέμεινας, υπέρ Χριστού το Θεού, Μαρτύρων πρωτόαθλε∙ συ γαρ την Ιουδαίων απελέγξας μανίαν, είδες σου τον Σωτήρα, του Πατρός δεξιόθεν. Αυτόν ουν εκδυσώπει αεί, υπέρ των ψυχών ημών.

Του Οσίου. ΄Ηχος γ΄.  Θείας πίστεως.

Θείοις στίγματι, σεσημασμένος, δώρον έμψυχον, τω Ζωοδότη, προσηνέχθης θεοφόρε Θεόδωρε∙ ασκητικαίς δωρεαίς γαρ κοσμούμενος, ομολογίας αγώσι διέλαμψας. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

Κ ο ν τ ά κ ι α

Του Πρωτομάρτυρος. ΄Ηχος γ΄. Η Παρθένος σήμερον

Ο Δεσπότης χθες ημίν, δια σαρκός επεδήμει, και ο δούλος σήμερον, από σαρκός εξεδήμοι∙ χθες μεν γαρ, ο βσιλεύων σαρκί ετέχθη, σήμερον δε, ο οικέτης λιθοβολείται∙ δι΄αυτόν και τελειούται, ο Πρωτομάρτυς και θείος Στέφανος.

Του Οσίου. ΄Ηχος γ΄.  Η Παρθένος σήμερον

Του Χριστού σεβόμενος, πανευσεβώς την Εικόνα, διωγμούς υπέμεινας, και κακουχίας και θλίψεις∙ όθεν δη, Ορθοδοξίας άγαλμα θείον γέγονας, ως αριστεύσας κατά της πλάνης∙ δια τούτο σε τιμώμεν, Ιερομύστα Πάτερ Θεόδωρε.

Μ ε γ α λ υ ν ά ρ ι α

Του Πρωτομάρτυρος

Πρώτον Διακόνων αναδειχθείς, πρώτος του Δεσπότου, εχρημάτισας μιμητής∙ όθεν Αθλοφόρων, πρωτεύων Πρωτομάρτυς, τύπος αυτοίς εγένου Πρώταθλε Στέφανε.

Του Οσίου

΄Οψει γεγραμμένη τυραννικώς, βίβλος έμπνους ώφθης, αναβάσεων ιερών, εξ ης των δωρημάτων, την όνησιν τρυγώντες, τους πόνους σου τιμώμεν Πάτερ Θεόδωρε.

 

28.  Των αγίων  Δισμυρίων  Μαρτύρων εν εν Νικομήδεια  καέντων∙  και Οσίου Σίμωνος του   Μυροβλήτου.

Α π ο λ υ τ ί κ ι α

Των Μαρτύρων. ΄Ηχος β΄.

Αθλοφόροι Κυρίου, μακαρία η γή, η πιανθείσα τοις αίμασιν υμών∙ και άγιαι αι σκηναί, αι δεξάμεναι τα πνεύματα υμών∙ εν σταδίω γαρ τον εχθρόν εθριαμβεύσατε, και Χριστόν μετά παρρησίας εκηρύξατε∙ αυτόν ως αγαθόν υπέρ ημών ικετεύσατε, σωθήναι δεόμεθα τας ψυχάς ημών.

΄Ετερον των Μαρτύρων. ΄Ηχος γ΄.  Θείας πίστεως

Θείον στράτευμα, πόλις αγία, περιούσιος λαός Κυρίου, ανεδείχθητε Δισμύριοι Μάρτυρες∙ τη γαρ αγάπη αυτού δροσιζόμενοι, δια πυρός τον αγώνα ηνύσατε. Αλλ΄αιτήσασθε, ελέους σοφοί τον πρύτανιν, δωρήσασθαι ημίν το μέγα έλεος.

Του Οσίου. ΄Ηχος πλ.α΄.  Τον συνάναρχον Λόγον

Τη ασκήσει εκλάμψας εν ΄Αθω ΄Οσιε, ως καθαρθείς την καρδίαν των αρετών τω φωτί, εδοξάσθης θαυμαστώς Σίμων μακάριε∙ διό και βλύζειν κρουνηδόν, μύρα εύοσμα ημίν, ηξίωσαι μετά τέλος. Αλλά μη παύση πρεσβεύων, ελεηθήναι τας ψυχάς ημών.

Κ ο ν τ ά κ ι α

Των Μαρτύρων. ΄Ηχος α΄.Τον τάφον σου Σωτήρ

Στρατός εν αριθμώ, Δισμυρίων Μαρτύρων, τιμώμενος ημίν, ανατέλλει φωτίζων, καρδίας και νοήματα, ευσεβών δια πίστεως∙ εξαφθέντες γαρ, θεία στοργή του Δεσπότου, τέλον άγιον, δια πυρός οι γενναίαι, προθύμως εδέξαντο.

Του Οσίου. ΄Ηχος πλ. δ΄. Τη Υπερμάχω

Ως των Οσίων ανυμνούμε σε ακραίμονα, και Αποστόλων οπαδόν και ισοστάσιον, και του  Αθω σεμνολόγημα και φωστήρα. Δος ουν Πάτερ και ημίν την σην αντίληψιν, υπέρ πάντων εξαιτούμενος τον Κύριον, των βοώντων σοι, χαίροις Σίμων Τρισόλβιε.

Μ ε γ α λ υ ν ά ρ ι α

Των  Μαρτύρων

Φάλαγξ τροπαιούχος αθλητική, και άγιος κλήρος, ως Δισμύριοι Αθληταί, εκ παντός γένους, και πάσης ηλικίας, λαμπρώς συγκροτηθέντες Θεώ εδείχθητε.

Του Οσίου

Ωύθης μυροθήκη πνευματική, Σίμων Μυροβλήτα, ηδυπνόου επιρροής, οσμαίς σου ευπνόοις, οσμήν προς απαθείας, απαύστως διεγείρων τους προσιούντας σοι.

 

29. Των Αγίων Νηπίων, των εν Βηθλεέμ υπό του Ηρώδου αναιρεθέντων, χιλιάδων όντων δεκατεσσάρων, και του Οσίου πατρός ημών Μαρκέλλου, ηγουμένου της Μονής Ακοιμήτων.

Α π ο λ υ τ ί κ ι α

Των Μαρτύρων ΄Ηχος α΄.

Τας αλγηδόνας των Αγίων, ως υπέρ σου έπαθον, δυσωπήθητι Κύριε, και πάσας ημών τας οδύνας, ίασαι φιλάνθρωπε δεόμεθα.

Των Νηπίων. ΄Ηχος α΄. Τον τάφον σου Σωτήρ.

Ως θύματα δεκτά, ως νεόδρεπτα ρόδα και θεία απαρχή, και νεόφυτοι άρνες, Χριστώ τω ώσπερ νήπιον, γεννηθέντι, προσήχθητε, αγνά Νήπια, την του Ηρώδου κακίαν, στηλιτεύοντα, και δυσωπούντα απαύστως, υπέρ των ψυχών ημών.

Του Οσίου. ΄Ηχος γ΄.  Θείας πίστεως

΄Υμνον άληκτον, Θεώ προσφέρων, νούν ακοίμητον, προσφόρως έσχες, προς εκπλήρωσιν των θείων προστάξεων∙ όθεν κανών αρετής εχρημάτισας, και μοναστών ποδηγέτης θεόσοφος. Πάτερ Μάρκελλε, Χριστόν τον Θεόν ικέτευε, δωρήσασθε ημίν το μέγα έλεος.

΄Ετερον του Οσίου. ΄Ηχος πλ. δ΄.

Εν σοι Πάτερ ακριβώς, διεσώθη το κατ΄εικόνα∙ λαβών γαρ τον σταυρόν, ηκολούθησας τω Χριστώ∙ και πράττων εδίδασκες, υπεροράν μεν σαρκός, παρέρχεται γαρ∙ επιμελείσθε δε ψυχής, πράγματος αθανάτου. Διό και μετά Αγγέλων συναγάλλετια, όσιε Μάρκελλε το πνεύμα σου.

Κ ο ν τ ά κ ι α

Των Μαρτύρων. ΄Ηχος πλ. β΄. την υπέρ ημών

Εν τη Βηθλεέμ τεχθέντος του Βασιλέως, εξ ανατολών συν δώροις, ήκασι Μάγοι, δι΄Αστέρος εξ ύψους οδηγούμενοι∙ αλλ΄Ηρώδης εκταράττεται, και θερίζει τα Νήπια, ώσπερ σίτον, οδυρούμενος, ότι το κράτος αυτού καθαιρείται ταχύ.

Του Οσίου. ΄Ηχος πλ. β΄. Των υπέρ ημών.

Την αγγελικήν, ασίγητον υμνωδίαν, σώματι θνητώ, μιμούμενος θεοφόρε, ποιμήν άγρυπνος ώφθης, σαφώς και αρχέτυπον, τοις εκ πόθου επομένοις σοι, ευσεβεία και σεμνότητι, και βοώσι Πάτερ Μάρκελλε∙ χαίροις θεράπον Χριστού και Οσίων κρηπίς.

Μ ε γ α λ υ ν ά ρ ι α

Των Νηπίων

Βρέφη απειρόκακα και αγνά, τω εκ της Παρθένου, νηπιάσαντι εκοντί, ήχθησαν σφαγέντα, ως άμωμοι θυσίαι∙ διό την του Ηρώδου κακίαν φύγωμεν.

Του Οσίου

Αίνεσιν ακοίμητον τω Θεώ, Μαρκέλλα προσφέρων, κατεκοίμησας των παθών, τας επαναστάσεις, και άγρυπνος προστάτης, υπνώσας πανοσίως ημίν γεγένησαι.

 

30.  Της αγίας Οσιομάρτυρος  Ανυσίας .

        (Σήμερον συμψάλλεται και της Αγίας Μελάνης η ακολουθία διά το αποδίδοσθαι αύριον την εορτήν).

Α π ο λ υ τ ί κ ι ο ν

Αμφοτέρων. ΄Ηχος  δ΄.  Ταχύ προκατάλαβε

Οσίως ανύσασα, των αρετών την οδόν, τω Λόγω νενύμφευσαι, ω Ανυσία σεμνή, και χαίρουσα ήθλησας∙ αίγλη δε απαθείας λαμπρυνθείσα Μελάνη, ήστραψας εν τω κόσμω αρετών λαμπηδόνας. Και νυν ημίν ιλεούσθε Χριστόν τον Κύριον.

Κ ο ν τ ά κ ι ο ν

΄Ετερον. ΄Ηχος γ΄.  Η Παρθένος σήμερον

Ως λυχνία δίφωτος, τη μυστική φωταυγία, αληθώς πυρσεύετε, την του Χριστού Εκκλησίαν, άθλησιν, καρποφορούσα μεν Ανυσία, άσκησιν, ενδεδειγμένη δε η Μελάνη∙ δια τούτο της αφθάρτου, και μακαρίας ζωής ετύχητε.

Μ ε γ α λ υ ν ά ρ ι ο ν

Τρόποις ανυσίμοις προς αρετήν, Μάρτυς Ανυσία, διαρρύθμισον νυν ημάς∙ ζοφερού εχθρού δε, εκλύτρωσαι Μελανη, τους πόθω αφορώντας τη επιλάμψει σου.

 

31.   Της οσίας μητρός ημών Μελάνης

        (Εν ταύτη αποδίδοται η Εορτή της Γεννήσεως του Χριστού και ψάλλονται πάντα τα αυτής).

 

*********************************************************

Πατήστε  εδώ γιά Επιστροφή στήν ΑΠΟΛΥΤΙΚΙΑ - ΚΟΝΤΑΚΙΑ - ΜΕΓΑΛΥΝΑΡΙΑ