ΑΠΟΨΗ Ι.Ν. ΑΓΙΟΥ ΙΩΑΝΝΟΥ ΘΕΟΛΟΓΟΥ ΑΝΩΠΟΛΕΟΣ"
ΑΠΟΨΗ Ι.Ν. ΑΓΙΟΥ ΙΩΑΝΝΟΥ ΘΕΟΛΟΓΟΥ ΑΝΩΠΟΛΕΟΣ"
ΕΣΩΤΕΡΙΚΟ Ι.Ν. ΑΓ. ΙΩΑΝΝΟΥ ΘΕΟΛΟΓΟΥ ΑΝΩΠΟΛΕΟΣ"
ΙΕΡΑ ΜΟΝΗ ΑΓ. ΝΕΚΤΑΡΙΟΥ ΟΣ. ΠΑΪΣΙΟΥ ΝΟΤΙΟ ΑΦΡΙΚΗ"
ΙΕΡΑ ΜΟΝΗ ΑΓ. ΝΕΚΤΑΡΙΟΥ ΟΣ. ΠΑΪΣΙΟΥ ΝΟΤΙΟ ΑΦΡΙΚΗ"
Μ. ΠΕΜΠΤΗ ΙΕΡΑ ΜΟΝΗ ΟΣΙΑΣ ΜΑΚΡΙΝΑΣ ΤΑΝΖΑΝΙΑ"
Μ. ΠΑΡΑΣΚΕΥΗ ΙΕΡΑ ΜΟΝΗ ΟΣΙΑΣ ΜΑΚΡΙΝΑΣ ΤΑΝΖΑΝΙΑ"
ΙΕΡΑ ΜΟΝΗ ΟΣΙΑΣ ΜΑΚΡΙΝΑΣ ΤΑΝΖΑΝΙΑ"
ΙΕΡΑ ΜΟΝΗ ΟΣΙΑΣ ΜΑΚΡΙΝΑΣ ΤΑΝΖΑΝΙΑ"
ΙΕΡΑ ΜΟΝΗ ΟΣΙΑΣ ΜΑΚΡΙΝΑΣ ΤΑΝΖΑΝΙΑ"Μ Η Ν Ι Ο Υ Ν Ι Ο Σ
1. Του αγίου Μάρτυρος Ιουστίνου του φιλοσόφου.
΄Ηχος δ΄. Ο υψωθείς εν τω Σταυρώ.
Φιλοσοφίας ταις ακτίσιν εκλάμπων, Θεογνωσίας υποφήτης εδείχθης, σοφώς παραταξάμενος κατά των δυσμενών∙ συ γαρ ωμολόγησας, αληθείας την γνώσιν, και Μαρτύρων σύσκηνος, δι΄αθλήσεως ώφθης∙ μεθ΄ων δυσώπει πάντοτε Χριστόν, ω Ιουστίνε, υπέρ των ψυχών ημών.
΄Ηχος β΄. Τους ασφαλείς.
Τον αληθή, της ευσεβείας κήρυκα, και ευκλεή, των μυστηρίων ρήτορα, Ιουστίνον τον Φιλόσοφον, μετ΄εγκωμίων ευφημήσωμεν∙ δυνάμει γαρ σοφίας τε και χάριτος, τον λόγον κατετράνωσε της πίστεως, αιτούμενος πάσι θείαν άφεσιν.
Χάριτι σοφίας καταυγασθείς, ως αυτοσοφίαν, εθεράπευσας τον Χριστόν, υπέρ ου ενδόξως, αθλήσας Ιουστίνε, συν τούτω εις αιώνας δοξάζη ένδοξε.
2. Του εν αγίοις Πατρός ημών Νικηφόρου, πατριάρχου Κωνσταντινουπόλεως, του Ομολογητού.
Κανόνα πίστεως, και εικόνα πραότητος, εγκρατείας διδάσκαλον, ανέδειξέ σε τη ποίμνη σου, η των πραγμάτων αλήθεια∙ δια τούτου εκτήσω τη ταπεινώσει τα υψηλά, τη πτωχεία τα πλούσια. Πάτερ Ιεράρχα Νικηφόρε, πρέσβευε Χριστώ τω θεώ, σωθήναι τας ψυχάς ημών.
΄Ηχος γ΄. Θείας πίστεως
Νίκην ήνεγκε, τη Εκκλησία, η ση ένθεος, ομολογία, Ιεράρχα Νικηφόρε θεόληπτε∙ την γαρ εικόνα του Λόγου σεβόμενος, υπερορία αδίκως ωμίλησας. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.
Κ ο ν τ ά κ ι ο ν
΄Ηχος δ΄. Επεφάνης σήμερον
Τον της νίκης στέφανον, ω Νικηφόρε, ουρανόθεν ένδοξε, ως ειληφώς παρά Θεού, σώζε τους πίστει τιμώντας σε, ως ιεράρχην Χριστού, και διδάσκαλον.
Χαίροις Εκκλησίας έμπνους εικών, και εικονομάχων, καθαιρέτης ο ισχυρός∙ χαίροις θεοσδότων, δογμάτων ο προστάτης, θεόφρον Νικηφόρε πίστεως έρεισμα.
3. Του αγίου Μάρτυρος Λουκιλλιανού και των συν αυτώ.
΄Ηχος α΄. Χορός αγγελικός
Ως άστρον φαεινόν, εκ νυκτός της απάτης, ω Λουκιλλιανέ, ευσεβώς αναλάμψας, νομίμως ηγώνισαι, και τον δόλιον έκτεινας∙ όθεν πρέσβευε, συν τη θεόφρονι Παύλη, και τοις τέσσαρσι, Παισί Χριστώ Αθλοφόρε, υπέρ των ψυχών ημών.
΄Ηχος β΄. Τα άνω ζητών
Μαρτύρων Χριστού, ισότιμος γεγένησαι, βασάνων σφοδρών, κατατολμήσας ένδοξε∙ και συν Παύλη έκραζες, και Παισί τοις θείοις τω Κτίστη σου∙ ιδού ως πρόβατα σφαγής, θεόμεθα Σώτερ, διά πόθον τον σον.
Σπόρον γεωργήσας τον λογικόν, Μαρτύρων εδρέψω, δι΄αθλήσεως τον καρπόν, δι΄ου τους τιμώντας, ω Λουκιανέ σε, εκτρέφεις απορρήτως εν θείω Πνεύματι.
4 . Του εν αγίοις Πατρός ημών Μητροφάνους, αρχιεπισκόπου Κωνσταντινουπόλεως.
΄Ηχος α΄ . Τον συνάναρχον Λόγον
Αρετών ταις ακτίσι καταλαμπόμενος, Πατριαρχών ανεδείχθης γέρας και θεία κρηπίς, ως Χριστού μυσταγωγός, Πάτερ Μητρόφανες. Από δε θρόνου υψηλού τη Εκκλνησία δαδουχείς, το φέγγος της ευσεβείας. Και νυν απαύστως δυσώπει, ελεηθήναι τας ψυχάς ημών.
Κ ο ν τ ά κ ι ο ν
΄Ηχος β΄. Τα άνω ζητών
Την πίστιν Χριστού, τρανώς συ εδογμάτισας, και ταύτην τηρών, εις πλήθος όντως ηύξησας, το πιστόν σου ποίμνιον∙ συν Αγγέλοις οθεν Μητρόφανες, συναγάλλη συν, και Χριστώ, πρεσβεύεις απαύστως υπέρ πάντων ημών.
Χαίροις των Πατέρων η καλλονή, χαίροις των Οσίων, κανών θείος εν αρετή. Χαίροις Εκκλησίας, ωράϊσμα και κλέος, βάθρον Πατριαρχείας Πάτερ Μητρόφανες.
5. Του Οσίου Ιερομάρτυρος Δωροθέου, επισκόπου Τύρου.
΄Ηχος δ΄. Ταχύ προκατάλαβε
Ως δώρημα τέλειον, εκ του των φώτων Πατρός, σοφίας την έλλαμψιν, ως Ιεράρχης Χριστού, εδέξω Δωρόθεε∙ όθεν και πλεονάσας, το σον τάλαντον, μάκαρ, ήθλησας υπέρ φύσιν, βαθυτάτω εν γήρα, πρεσβείων Ιερομάρτυς, υπέρ των ψυχών ημών.
Κ ο ν τ ά κ ι ο ν
΄Ηχος γ΄. Η παρθένος σήμερον
Ορθοδόξοις δόγμασιν, ιερομάρτυς κηρύξας, δώρον θείον άγιον, σαυτόν προσήξας τω κτίστη, πρότερον εν τη ασκήσει ενδιαπρέψας, ύστερον τω μαρτυρίω στερρώς αθλήσας, και νομίμως υπεδέξω, βραβείον νίκης, παρά Χριστού του Θεού.
Χαίροις της σοφίας μυσταγωγός, και της Εκκλησίας, λογογράφος ο ιερός∙ χαίροις των Μαρτύρων, της δωρεάς τρυφήσας, ως θείος Ιεράρχης Πάτερ Δωρόθεε.
6. Του Οσίου Πατρός ημών Ιλαρίωνος του Νέου, ηγουμένου της μονής των Δαλμάτων.
΄Ηχος α΄. Του λίθου σφραγισθέντος
Των λόγων του Κυρίου γεωργήσας την χάριν, ήνθησας καθάπερ ελαία, παμμάκαρ Ιλαρίων, ελαίω των θείων αρετών, και της ομολογίας σου σοφέ, ιλαρύνων τας καρδίας και τας ψυχάς, των πίστει σοι εκβοώντων∙ δόξα τω δεδωκότι σοι ισχύν, δόξα τω σε στεφανώσαντι, δόξα τω ενεργούντι δια σου, πάσιν ιάματα.
΄Ετερον. ΄Ηχος α΄. Του λίθου σφραγισθένος
Των λόγων του Κυρίου γεωργήσας την χάριν, ήνθησας ως ελαία, Ιλαρίων παμάκαρ, ελαίω των θείων αρετών, και της ομολογίας σου σοφέ, ιλαρύνων τας καρδίας και τας ψυχάς, των πίστει σοι εκβοώντων∙ δόξα τω δεδωκότι σοι ισχύν, δόξα τω σε στεφανώσαντι, δόξα τω ενεργούντι δια σου πάσιν ιάματα.
Κ ο ν τ ά κ ι α
΄Ηχος δ΄. Επεφάνης σήμερον
Του Χριστού τοις ίχνεσιν, ακολουθήσας, εν Οσίοις έφανας, ώσπερ αστήρ εωθινός, καταπυρσεύων τοις τρόποις σου, τους σε τιμώντας, Ιλαρίων όσιε.
΄Ετερον. ΄Ηχος δ΄. Επεφάνης σήμερον
Του Χριστού τοις ίχνεσιν, ακολουθήας, εν Οσίοις έφανας, ώσπερ αστήρ εωθινός, καταπυρσεύων τοις τρόποις σου, τους σε τιμώντας, Ιλαρίων Όσιε.
΄Ιθυνας προς χλόην των αρετών, Πάτερ Ιλαρίων, βακτηρία τη λογική, την Μονήν Δαλμάτων, ως ταύτης Ποιμενάρχης, διό συν τοις Οσίοις λαμπρώς δεδόξασαι.
7. Του αγίου Ιερομάρτυρος Θεοδότου, επισκόπου Αγκύρας.
΄Ηχος γ΄. Θείας πίστεως.
Δόσιν ένθεον, καταπλουτήσας, την της χάριτος ιερουργίαν, Ιερομάρτυς τρισμάκαρ Θεόδοτε, καθάπερ δώρα Θεώ προσηνένοχας, τας αριστείας των θείων αγώνων σου Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.
΄Ετερον. ΄Ηχος γ΄. Θείας πίστεως.
Δόσιν ένθεον, καταπλουτήσας, την της χάριτος ιερουργίαν, ιερομάρτυς τρισμάκαρ Θεόδοτε, καθάπερ δώρα Θεώ προσενήνοχας, τας αριστείας των θείων αγώνων σου. Πάτερ όσιε, Χριστόν τον Θεόν ικέτευε, δωρήσασθαι ημίν το μέγα έλεος.
Κ ο ν τ ά κ ι ο ν
΄Ηχος β΄. Τοις των αιμάτων σου.
Των ιερέων εν στάσει γενόμενος, των αθλοφόρων τους τρόπους εζήλωσας, και στίφος διπλούν κομισμένος, συν Ασωμάτοις χορεύεις Θεόδοτε, πρεσβεύων υπέρ των ψυχών ημών.
Χαίροις Αθλοφόρων ο κοινωνός∙ χαίροις Ιερέων, υποτύπωσις αληθής∙ χαίροις ο φαυλίσας, τυράννων την μανίαν, Θεόδοτε τρισμάκαρ τη καρτερία σου.
Του Μεγαλομάρτυρος. ΄Ηχος δ΄. Ο υψωθείς εν τω Σταυρώ
Στρατολογία αληθεί αθλοφόρε, του ουρανίου στρατηγός Βασιλέως, περικαλλής γεγένησαι Θεόδωρε∙ όπλοις γαρ της πίστεως, παρετάξω εμφρόνως, και κατεξωλόθρευσας των δαιμόνων τα στίφη, και νικηφόρος ώφθης αθλητής∙ όθεν σε πίστει αεί μακαρίζομεν.
΄Ετερον του Μεγαλομάρτυρος. ΄Ηχος πλ. α΄. Τον συνάναρχον Λόγον
Δωρεών θεοσδότων όλβον ακένωτον, την των σεπτών σου Λειψάνων θήκην πλουτούντες σοφέ, την μετάθεσιν αυτών πανηγυρίζομεν, αγιασμού τας δωρεάς ποριζόμενοι αεί, Θεόδωρε Στρατηλάτα∙ διό μη παύση πρεσβεύων, ελεηθήναι τας ψυχάς ημών.
Της Παρθενομήτορος. ΄Ηχος α΄. Της ερήμου πολίτης
Του Σωτήρος το κάλλος εκ ψυχής αγαπήσασα, καλλιπάρθενε κόρη, Καλλιόπη πανεύφημε, ηγώνισαι στερρώς υπέρ αυτού, και δόξης ηξιώθης θεϊκής∙ δια τούτο σου την μνήμην την ιεράν, τιμώμεν εκβοώντες σοι∙ δόξα τω δεδωκότι σοι ισχύν, δόξα τω σε στεφανώσαντι, δόξα τω χορηγούντι δια σου, ημίν πταισμάτων άφεσιν.
Του Μεγαλομάρτυρος. ΄Ηχος β΄. Τα άνω ζητών
Ανδρεία ψυχής, την Πιστόν οπλισάμενος, και ρήμα Θεού, ως λόγχη χειρισάμενος, τον εχθρόν κατέτρωσας, των μαρτύρων κλέος Θεόδωρε. Συν αυτοίς Χριστώ τω Θεώ, πρεσβεύων μη παύση υπέρ πάντων ημών.
΄Ετερον του Μεγαλομάρτυρος. ΄Ηχος πλ.δ΄. Ει και εν τάφω
Ει και νεκρός εν τη θήκη κατάκεισαι, αλλά ζωήν εκτρυγάς την αιώνιον, και βλυστάνεις δια παντός, πηγήν δωρεών, τοις προσψαύουσι πόθω των θείων λειψάνων σου, και την σην εξαιτούσι, ταχείαν αντίληψιν, ο Στρατηλάτης του Λόγου Θεόδωρος.
΄Ετερον του Μεγαλομάρτυρος. ΄Ηχος δ΄. Ο υψωθείς εν τω Σταυρώ
Ως αθλητής και αριστεύς του Σωτήρος, και χορηγού των δωρεών ουρανόθεν, ταις προς Θεόν πρεσβείαις σου προφθάνει αεί, πάντας τους προσφεύγοντας, τω ναώ σου τω θείω, και πιστώς προστρέχοντας, της αγία σου σκέπη∙ διό βοώμεν Λύτρωσαι ημάς, εκ των κινδύνων, παμμάκαρ Θεόδωρε.
Της Παρθενομάρτυρος. ΄Ηχος β΄. Τοις των αιμάτων σου
Παρθενική διαλάμπουσα χάριτι, μαρτυρικές τω Χριστώ προσενήνεξαι∙ ου νυν της χαράς απολαύουσα, της υπέρ νουν Καλλιόπη πανεύφημε, δυσώπει υπέρ των τιμώντων σε.
Πνέουσα την χάριν την μυστικήν, ως ανθώδης κήπος, των Λειψάνων σου η σορός, εκ της Ηρακλείας, τη ση πατρίδι ήκε, Θεόδωρε τρισμάκαρ αξιοθαύμαστε.
9. Του εν αγίοις Πατρός ημών Κυρίλλου, αρχιεπισκόπου Αλεξανδρείας.
΄Ηχος δ΄. Ταχύ προκατάλαβε.
Ως κύρος ουράνιον, θεολογία η ση, βραβεύει εν Πνεύματι, τη Εκκλησία Χριστού, την χάριν την ένθεον∙ συ γαρ καθυπογράψας, της Τριάδος την δόξαν, μύστης της Θεοτόκου, και υπέρμαχος ώφθης, παρ΄ης λαμπρώς εδοξάσθης, Ιεράρχα παμμάκαρ Κύριλλε.
΄Ετερον. ΄Ηχος πλ. δ΄.
Ορθοδοξίας οδηγέ, ευσεβείας διδάσκαλε και σεμνότητος, της οικουμένης ο φωστήρ, αρχιερέων θεόπνευστο εγκαλλώπισμα, Κύριλε σοφέ, ταις διδαχαίς σου πάντας εφώτισας, λύρα του Πνεύματος∙ πρέσβευε Χριστώ τω Θεώ, σωθήναι τας ψυχάς ημών.
Κ ο ν τ ά κ ι ο ν
΄Ηχος δ΄. Ο υψωθείς εν τω Σταυρώ
Τας των αιρέσεων πλοκάς διαρρήξας, εν τη δυνάμει του Χριστού θείοις λόγοις, την Εκκλησίαν Κύριλλε επλούτισας, πάντα τα ζιζάνια, του Νεστορίου εκκόψας∙ όθεν και παρίστασαι, των Αγγέλων χορείας, Χριστώ πρεσβεύων μάκαρ εκτενώς, πάσι πταισμάτων δωρήσασθαι άφεσιν.
Ρήτωρ ευσεβείας αναδειχθείς, δογμάτων τον λόγον, θεηγόρως διατρανοίς, και την του Σωτήρος, πανάφθορον Μητέρα, κηρύττεις Θεοτόκον πάνσοφε Κύριλλε.
10. Των αγίων Μαρτύρων Αλεξάνδρου και Αντωνίνης.
΄Ηχος α΄ . Της ερήμου πολίτης.
Ξυνωρίς η Αγία των Μαρτύρων υμνείσθω μοι, συν τω ευκλεεί Αλεξάνδρω, Αντωνίνα η πάνσεμνος∙ αγάπη γαρ και πίστει ευσεβεί, εκλάμψαντες εν άθλοις ιεροίς, ιαμάτων εφαπλούσι μαρμαρυγάς, τοις πόθω ανακράζουσι∙ δόξα τω ενισχύσαντι υμάς, δόξα τω στεφανώσαντι, δόξα τω ενεργούντι δι΄υμών, πάσιν ιάματα.
΄Ηχος β΄. Τους ασφαλείς.
Τους εν Χριστώ, πνευματικούς ομαίμονας, και εν οδοίς της ευσεβείας σύμφρονας, τον θεόφρονα Αλέξανδρον, συν Αντωνίνη μακαρίσωμεν∙ τους άθλους γαρ εκείνων και τα στίγματα, ως μύρον ευωδίας προσεδέξατο, ο τούτους δοξάσας ως ηυδόκησεν.
Μ ε γ α λ υ ν ά ρ ι ο ν
Χαίροις ω Αλέξανδρε αθλητά∙ χαίροις Αντωνίνα, νύμφη άμωμε του Χριστού∙ γνώμη γαρ τελεία, εχθρού τας μεδοθείας, αθλητική δυνάμει κατηδαφίσατε.
11. Η σύναξις της Υπεραγίας Θεοτόκου εν τω «΄Αδειν », ήτοι το «΄Αξιον εστί » και των αγίων Αποστόλων Βαρθολομαίου και Βαρνάβα.
Των Αποστόλων. ΄Ηχος γ΄. Θειας πίστεως.
Απόστολοι άγιοι, πρεσβεύσατε τω ελεήμονι Θεώ, ίνα πταισμάτων άφεσιν, παράσχη ταις ψυχαίς ημών.
΄Ετερον των Αποστόλων. ΄Ηχος γ΄. Θειας πίστεως.
Θεία όργανα, του Παρακλήτου, και εκφάντορες, του Θεού Λόγου, ανεδείχθητε θεόπται Απόστολοι, Βαρθολομαίε των Δώδεκα σύσκηνε, και Βαρνάβα ως υιός παρακλήσεως. Αλλ΄αιτήσασθε, Χριστόν τον θεόν πανεύφημοι, δωρήσασθσαι ημίν το μέγα έλεος.
Του αγίου Βαρθολομαίου. ΄Ηχος δ΄. Επεφάνης σήμερον
Ωφθης μέγας ήλιος, τη Εκκλησία, διδαγμάτων λάμψεσι, και θαυμάσιων φοβερών, φωταγωγών τους τιμώντας σε , Βαρθολομαίε Κυρίου Απόστολε.
Του αγίου Βαρνάβα.΄Ηχος γ΄. Η Παρθένος σήμερον
Του Κυρίου γέγονας αναληθής υπηρέτης, Αποστόλων ώφθης τε, των Εβδομήκοντα πρώτος∙ ηύγασας, άμα τω Παύλω το κήρυγμά σου, άπασι καταμηνύων Χριστόν Σωτήρα∙ δια τούτο υμνωδίαις, την θείαν μνήμην, Βαρνάβα τελούμεν σου.
Των Αποστόλων. ΄Ηχος δ΄. Επεφάνης σήμερον.
Ως Χριστού Απόστολοι, και υπηρέται, ευσεβείας δόγμασι, πάσαν λαμπρύνετε την γην, Βαρθολομαίε θεόληπτε, συν τω Βαρνάβα∙ διό υμάς μέλπομεν.
Της Θεοτόκου
΄Αξιον υμνείν σε δια παντός, την Θεού Μητέρα, και προστάτιν των γηγενών. Παρά του Αγγέλου, Παρθένε διδαχθέντες, υμνούμεν καθ΄εκάστην τα μεγαλεία σου.
Χαίροις Αποστόλων η ξυνωρίς, της οικονομίας, του Σωτήρος οι λειτουργοί, συν Βαρθολομαίω Βαρνάβας ο θεόφρων, πνευματικαί κινύραι των υπέρ έννοιαν.
12. Των Οσίων Πατέρων ημών Ονουφρίου του Αιγυπτίου, και Πέτρου του εν τω ΄Αθω.
Tων Οσίων. ΄Ηχος α΄ . Της ερήμου πολίτης.
Των Αγγέλων τον βίον εν σαρκί μιμησάμενοι, άφθητε ερήμου πολίται, και χαρίτων κειμήλια, Ονούφριε Αιγύπτου καλλονή, και Πέτρε των εν Άθω ο φωστήρ∙ δια τούτο τους αγώνας υμών αεί, τιμώμεν αναμέλπονες∙ δόξα τω ενισχύσαντι υμάς, δόξα τω θαυμαστώσαντι, δόξα τω ενεργούντι δι΄υμών, πάσιν ιάματα.
Του Οσίου Ονουφρίου. ΄Ηχος δ΄.
Ο Θεός των Πατέρων ημών, ο ποιών αεί μεθ΄ημών, κατά την σην επιείκειαν, μη αποστήσης το έλεός σου αφ΄ημών∙ αλλά ταις αυτών ικεσίαις, εν ειρήνη κυβέρνησον την ζωήν ημών.
΄Ετερον του Οσίου. Ηχος α΄. Του λίθου σφραγισθένος
Των Οσίων. ΄Ηχος πλ.δ΄. Τη Υπερμάχω.
Του Οσίου Ονουφρίου.΄Ηχος β΄. Τα άνω ζητών
Αστήρ φαεινός, εδείχθης τοις μονάζουσιν, ως φέγγος νυκτί, αυγάζεις εν τοις πέρασιν∙ ούτω Πάτερ έλαμψας εν ασκήσει καθάπερ ήλιος∙ δια τούτο Ονούφριε, μη παύση πρεσβεύων υπέρ πάντων ημών.
Του Οσίου Πέτρου. ΄Ηχος πλ.δ΄. Πιστόν Χριστού ωσεί θώρακα
Φως νοητόν και ουράνιον Πέτρε, λαβών εν καρδία σου, της εχωρήτου Τριάδος, δοχείον ώφθης λαμπρότατον και χάριν των θαυμάτων απείληφας, κραυγάζων∙ Αλληλούια.
13. Της αγίας Μάρτυρος Ακυλίνης.
΄Ηχος δ΄. Ταχύ προκατάλαβε
Παρθένος ακήρατος, και Αθλοφόρος σεμνή, εδείχθης τοις πέρασι, τη αγαπήσει Χριστού, Ακυλίνα θεόνυμφε∙ συ γαρ καθάπερ ρόδον, νοητό τεθηλυία, έμπνευσαι εν αθλήσει της αγνείας την χάριν, πρεσβεύουσα τω Κυρίω σώζεσθαι άπαντας.
΄Ετερον. ΄Ηχος δ΄. Κατεπλάγη Ιωσήφ
Κ ο ν τ ά κ ι ο ν
΄Ηχος γ΄. Η Παρθένος σήμερον
Ραντισμοίς αιμάτων σου, καθηγνισμένην παρθένε, και μαρτύρων στέμμασι, σε Ακυλίνα στεφθείσαν, δέδωκε τοις εν ανάγκαις των νοσημάτων, ίασιν και σωτηρίαν ο σος νυμφίος, τοις προστρέχουσιν εν πίστει, Χριστός, ο βρύων ζωήν αιώνιον.
Μύρων αισθομένη ζωαρχικών, Μάρτυς Ακυλίνα, ως νεάνις περικαλλής, κόσμου το δυσώδες, εμφρόνως υπερείδες, και άθλοις μαρτυρίου Χριστώ νενύμφευσαι.
14. Του αγίου Προφήτου Ελισσαίου∙ και του εν αγίοις Πατρός ημών Μεθοδίου, Αρχιεπισκόπου Κωνσταντινουπόλεως, του Ομολογητού∙ και του Οσίου Πατρός ημών Νήφωνος του Αθωνίτου.
Του Προφήτου. ΄Ηχος δ΄. Ο υψωθείς εν τω Σταυρώ.
Ως υποφήτην αληθή του Σωτήρος, και των εν νόμω παιδευτήν και φωστήρα, τοις πόρρω σε εδήλωσεν ο τόκος σου σοφέ∙ συ γαρ κληρωσάμενος, του θεσβίτου την χάριν, θαύμασι διέπρεψας, και δυνάμεσι πλείσταις. Και νυν απαύστως φύλαττε ημάς, ω Ελισσαίε Προφήτα θεσπέσιε.
΄Ετερον του Προφήτου. ΄Ηχος δ΄. Ταχύ προκατάλαβε
Ο ένσαρκος άγγελος, των Προφητών η κρηπίς, ο δεύτερος πρόδρομος, της παρουσίας Χριστού, Ηλίας ο ένδοξος, άνωθεν καταπέμψας, Ελισσαίω την χάριν, νόσους αποδιώξει, και λεπρούς καθαρίζει∙ διο και τοις τιμώσιν αυτόν, βρύει ιάματα.
Του Ιεράρχου.΄Ηχος δ΄. Ταχύ προκατάλαβε
Κανόνα πίστεως, και εικόνα πραότητος, εγκρατείας διδάσκαλον, ανέδειξέ σε τη ποίμνη σου, η των πραγμάτων αλήθεια∙ δια τούτου εκτήσω τη ταπεινώσει τα υψηλά, τη πτωχεία τα πλούσια. Πάτερ Ιεράρχα Μεθόδιε, πρέσβευε Χριστώ τω θεώ, σωθήναι τας ψυχάς ημών.
΄Ετερτον του Ιεράρχου. ΄Ηχος πλ. α΄. Τον συνάναρχον Λόγον.
Ευσεβείας την μέθοδον προβαλλόμενος, αιρετικών διαλύεις τας επινοίας στερρώς, Ορθοδόξων η κρηπίς Πάτερ Μεθόδιε∙ την γαρ εικόνα του Χριστού, ανεστήλωσας τιμάν, ως θείος ιεροφάντωρ∙ και νυν αύλως δοξάζη, και ικετεύεις υπέρ πάντων ημών.
Του Οσίου. ΄Ηχος α΄. Της ερήμου πολίτης
Της Ηπείρου τον γόνον τον του ΄Αθωνος όρπηκα, και των ιερέων την δόξαν, τον θεόληπτον Νήφωνα, τιμήσωμεν εν ύμνοις ιεροίς∙ ασκήσει γαρ οσίων αρετών, ουρανίων χαρισμάτων αξιωθείς, φαιδρύνει τους κραυγάζοντας∙ δόξα τω δεδωκότι σοι ισχύν, δόξα τω σε στεφανώσαντι, δόξα τω εκπληρούνται δια σού, πάντων τα πρόσφορα.
Του Προφήτου. ΄Ηχος πλ. δ΄. Τη Υπερμάχω
΄Ετερον του Προφήτου. ΄Ηχος β΄. Τα άνω ζητών
Προφήτης Θεού, εδείχθης διπλασίοντα, την χάριν λαβών, την όντως επαξίαν σοι, Ελισσαίε μακάριε∙ Ηλιού γαρ γέγονας σύσκηνος∙ συν αυτώ Χριστώ τω Θεώ πρεσβεύων απαύστως υπέρ πάντων ημών.
Του Ιεράρχου.΄Ηχος ο αυτός. Τους ασφαλείς
Επί της γης ηγωνίσω ως άσαρκος, και ουρανούς εκληρώσω Μεθόδιε, ως τρανώσας εν τοις πέρασι, την των Εικόνων προσκύνησιν∙ εν πόνοις γαρ και μόχθοις περισσοτέρως διάγων, ους επαύσω εν παρρησία ελέγχων, αθετούντας την Εικόνα Χριστού.
΄Ετερον του Ιεράρχου ΄Ηχος β΄. Τους ασφαλείς.
Ως ιερόν, ομολογίας πρόβολον, και αρραγές, της Εκκλησίας έρεισμα, Ιεράρχη σε περίδοξον, ο Ιησούς προεχειρίσατο∙ την τούτου γαρ εικόνα κατασπάζεσθαι, εν σχέσει ανεκήρυξας Μεθόδιε, παρέχων ημίν πταισμάτων άφεσιν.
Του Οσίου. ΄Ηχος δ. Επεφάνης σήμερον
Εν τω ΄Αθω έλαμψας ως εωσφόρος, Μοναστών τον σύλλογον, ταις σαις λαμπρύνων αρεταίς ΄Οσιε Νήφων Πατήρ ημών∙ διό στεφάνω της δόξης κεκόσμησαι.
Του Προφήτου
Σύσκηνος υπάρχων και φοιτητής, Ηλιού παμμάκαρ, Ελισσαίε του ζηλωτού, της εκείνου δόξης, αναπλέως εδείχθης, θαυμάτων ενεργεία καταλαμπόμενος.
Της Ορθοδοξίας λύρα τερπνή, και της Εκκλησίας, υποβάθρα θεοπαγής, ώφθης Ιεράρχα, Εικονομάχων θράσος, εις γην κατεδαφίσας Πάτερ Μεθόδιε.
Νήψει ανενδότω κατατρυφών, της αύλου δόξης, εχρημάτισας θεωρός∙ ης νυν απολαύων, ως Νήφων θεοφόρε, προλήψεων ματαίων ρύσαι με δέομαι.
΄Ηχος α΄. Τον τάφον σου Σωτήρ.
Προφήτην σε πιστόν, και των άνω επόπτην, ανέδειξεν Αμώς, εκ ποιμνίου ο Λόγος, του βίου σου δεξάμενος, ευμενώς την χρηστότητα∙ όθεν ήλεγξας, τους ασεβούντας ανδρείως, και τον θάνατον, μαρτυρικώς δεδεγμένος, ζωής θείας έτυχες.
΄Ηχος β΄. Τοις των αιμάτων σου.
Την θεοδώρητον φαίνων ενέργειαν, προφητικώ αξιώματι έλαμψας, και πάσι προλέγων τα μέλλοντα, την των ανθρώπων ανόρθωσιν είρηκας, Αμώς ως Προφήτης θεόληπτος.
Χαίροις ω Προφήτα Θεού Αμώς∙ την γαρ πεπτωκυίαν, ως προέβης σκηνήν Δαβίδ, σαρκωθείς ο Λόγος, ανέστησεν ενδόξως, και ταύτην θεουργήσας Πατρί προσήγαγεν.
16. Του αγίου Πατρός ημών Τύχωνος, επισκόπου Αμαθούντος της Κύπρου.
Ηχος α΄. Του λίθου σφραγισθένος
΄Ηγος γ΄. Θείας πίστεως.
Θείας έτυχες, ιερατείας, νεύσει κρείττονι εκλελεγμένος, ως θεράπων της Τριάδος επάξιος∙ συ γαρ των έργων εκλάμπων ταις χάρισι, την Εκκλησίαν εστήριξας θαύμασι. Τύχων ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.
Κ ο ν τ ά κ ι ο ν
΄Ηχος γ΄. Η Παρθένος σήμερον
Εν ασκήσει άγιε, θεοφιλεί διαπρέψας, Παρακλήτου δύναμιν, εξ ύψους καθυπεδέξω, ξόανα καθαιρείν πλάνης, λαούς δε σώζειν, δαίμονας αποδιώκειν, νόσους ιάσθαι∙ δια τούτο σε τιμώμεν, ως Θεού φίλον, Τύχων μακάριε.
Χαίροις των Οσίων ο κοινωνός∙ χαίροις το δοχείον, των του Πνεύματος αγαθών∙ χαίροις ο της Κύπρου, ανέσπερος δαδούχος, ώ Τύχων Αμαθούντος Ποιμήν μακάριε.
17. Του αγίου Μάρτυρος Ισαύρου, και των συν αυτώ∙ και των αγίων Μαρτύρων Μανουήλ, Σαβήλ και Ισμαήλ.
΄Ηχος γ΄. Την ωραιότητα.
Ως εννεάριθμον, του Λόγου σύνταγμα, εχθρών τας φάλαγγας, κατετροπώσαντο, ΄Ισαυρος Φήλιξ συν αυτοίς, Ερμείας και Περεγρίνος, άμα Ιννοκέντιος, Μανουήλ και Βασίλειος, Ισμαήλ ο ένδοξος, Σαβέλ ο μακάριος∙ διό και τα βραβεία της νίκης, εύρον ως Μάρτυρες Κυρίου.
Κ ο ν τ ά κ ι α
΄Ηχος β΄. Τα άνω ζητών
Τη πίστει Χριστού, τρωθέντες παμμακάριστοι, και τούτου πιστώς, πιόντες το ποτήριον, τα Περσών σεβάσματα, και το θράσος εις γην καταβάλετε, της Τριάδος ισάριθμοι, πρεσβείας ποιούντες υπέρ πάντων ημών.
΄Ηχος δ΄. Επεφάνης σήμερον
Ως χορός θεόπλοκος κατηρτισμένοι, Αθληταί εννάριθμοι, αδραγαθείτε ευκλεώς, εν ομονοία κραυγάζοντες∙ Συ των Μαρτύρων, Χριστέ το στερέωμα.
Χαίροις Αθλοφόρων παρεμβολή, ΄Ισαυρε παμμάκαρ, και οι σύναθλοι οι κλεινοί∙ Χαίρετε γενναίοι, οπλίται του Κυρίου, Αγγέλων συμπολίται και ισοστάσιοι.
18. Του αγίου Μάρτυρος Λεοντίου.
΄Ηχος γ΄. Θείας πίστεως.
Ρώμην ένθεον, διεζωσμένος, εθριάμβευσας, εν τοις αγώσιν, αθλοφόρε του Σωτήρος Λεόντιε∙ συ γαρ ως λέων προς άθλησιν ώρμησας και πολεμίων το κράτος κατέβαλες. Μάρτυς ένδοξε, Χριστόν τον θεόν ικέτευε, δωρήσασθαι ημίν το μέγα έλεος.
Κ ο ν τ ά κ ιο ν
΄Ηχος γ΄. Η Παρθένος σήμερον
Των τυράννων ήσχυνας, τας πονηράς επινοίας, και Ελλήνων ήλεγξας, το αθεώτατον σέβας, έλαμψας θεογνωσίαν πάσιν ανθρώποις, δόγμασι της ευσεβείας, θεόφρον Μάρτυς∙ δια τούτο σου την μνήμην, τιμώμεν πόθω, σοφέ Λεόντιε.
Δόξη διαπρέπων στρατηγική, αίγλη ελαμπρύνθης, εν Κυρίω αθλητική∙ συ γαρ του Σωτήρος, το όνομα δοξάσας, Μεγαλομάρτυς ώφθης αυτού Λεόντιε.
19. Του αγίου Αποστόλου Ιούδα, και του Οσίου πατρός ημών Παϊσίου του Μεγάλου.
Του Αποστόλου. ΄Ηχος α΄. Τον τάφον σου Σωτήρ
Χριστού σε συγγενή, ω Ιούδα ειδότες, και Μάρτυρα στερρόν, ιερώς ευφημούμεν, την πλάνη πατήσαντα, και την πίστιν τηρήσαντα∙ όθεν σήμερον, την παναγίαν σου μνήμην, εορτάζοντες, αμαρτημάτων την λύσιν, ευχαίς σου λαμβάνομεν.
Του Οσίου. ΄Ηχος δ΄. Ταχύ προκατάλαβε.
Ο ένσαρκος άγγελος, των μοναστών κορωνίς, ο άσαρκος άνθρωπος, των ουρανών οικιστής, ο θείος Παίσιος, χαίρει τη αυτού μνήμη, συν ημίν εορτάζων, νέμει τοις κοπιώσι, δι΄αυτόν θείαν χάριν∙ διό εν προθυμία πολλή τούτον δοξάσωμεν.
Κ ο ν τ ά κ ι α
Του Αποστόλου. ΄Ηχος α΄. Χορός αγγελικός
Εκ ρίζης ευκλεούς, θεοδώρητον κλήμα, ανέτειλας ημίν, του Κυρίου αυτόπτα, απόστολε Θεάδελφε, του Χριστού κήρυξ πάνσοφε, τρέφων άπαντα, κόσμον καρποίς σου των λόγων, την ορθόδοξον, πιίστιν Κυρίου διδάσκων, ως μύστης της χάριτος.
Του Οσίου. ΄Ηχος πλ. δ΄. Τη Υπερμάχω
Του Αποστόλου
Δεύτε τον θεάδελφον Μαθητήν, και της ευσεβείας, τον φωστήρα τον θεαυγή, υμνήσωμεν πόθω, χαίρε αυτώ βοώντες, Απόστολε Ιούδα Χριστού διάκονε.
Τω Χριστώ εκ βρέφους ανατεθείς, ηύξησας εις μέτρον, ηλικίας πνευματικής, και των εν ερήμω, στύλος φωτός εφάνης, Παίσιε παμμάκαρ Αιγύπτου βλάστημα.
20. Του αγίου Ιερομάρτυρος Μεθοδίου, επισκόπου Πατάρων.
΄Ηχος γ΄. Θείας πίστεως.
Θείαν μέθοδον, της ευσεβείας, εθησαύρισας τη Εκκλησία, ως Ιεράρχης και Μάρτυς Μεθόδιε∙ συ γαρ σοφίας τον πλούτον δρεψάμενος, αθλητικώς το σον τάλαντον ηύξησας. Πάτερ όσιε, Χριστόν τον Θεόν ικέτευε, δωρήσασθαι ημίν το μέγα έλεος.
΄Ηχος δ. Επεφάνης σήμερον
Ως πυρσόν κτησάμενος την θείαν γνώσιν, εν αθλήσει έφανας, μυσταγωγέ των υπέρ νουν, καταφαιδρύνων τους ψάλλοντας∙ Χαίροις εκφάντωρ του Λόγου Μεθόδιε.
Εύσημος κιθάρα και μελουργός, θείων διδαγμάτων, ανεδείχθης Ιερουργέ∙ όθεν και τω ξίφει, τμηθείς σου τον αυχένα, απέταμες την πλάνην Πάτερ Μεθόδιε.
21. Του αγίου Μάρτυρος Ιουλιανού του Ταρσέως.
΄Ηχος πλ. α΄. Τον συνάναρχον Λόγον.
Μητρικαίς υποθήκαις μυσταγωγούμενος, πανευκλεής στρατιώτης ώφθης Χριστού του Θεού, παντευχίαν μυστικήν περιζωσάμενος∙ όθεν καθείλες τον εχθρόν, ως γενναίος αριστεύς, καί ήθλησας θεοφρόνως Ιουλιανέ θεόφρον, υπέρ ημών αεί πρεσβεύων Θεώ.
΄Ηχος γ΄. Η Παρθένος σήμερον
Νεανίας έκλαμπρος, ως αληθώς δεδειγμένος, αθλοφόρος ένδοξος, της ευσεβείας εφάνης∙ πόνων γαρ, των εν αθλήσει καταφρονήσας, έφερες, τον εν θαλάσση πνιγμόν ανδρείως, Ιουλιανέ παμμάκαρ∙ διο προς ύδωρ, ζωής εσκήνωσας.
Σώματι ακμάζοντι και τερπνώ, και ψυχή αρίστη, υπεδέξω ως πίων γη, της μητρός τους λόγους, και τούτους γεωργήσας, αθλητικούς προσάγεις καρπούς τω κτίστη σου.
22. Του αγίου Ιερομάρτυρος Ευσεβίου, επισκόπου Σαμοσάτων.
΄Ηχος δ΄. Ταχύ προκατάλαβε.
Σοφίας του Πνεύματος, καταυγασθείς τω φωτί, τον λόγον ετράνωσας, της ευσεβείας ημίν, Ευσέβειε ένδοξε∙ συ γαρ ιεραρχήσας, ευσεβώς τη Τριάδι, ήθλησας θεοφρόνως, και την πλάνην καθείλες. Και νυν Πάτερ δυσώπησον, σώζεσθαι άπαντας.
΄Ηχος πλ. δ΄. Τη Υπερμάχω
Χαίροις της Τριάδος μυσταγωγέ, και των Σαμοσάτων, Ποιμενάρχα και οδηγέ. Χαίροις ο του Λόγου, πιών μετ΄ευφροσύνης, ποτήριον το θείον μάκαρ Ευσέβιε.
23. Τη αγίας Παρθενομάρτυρος Αγριππίνης.
Ηχος γ΄. Θείας πίστεως.
Θείω Πνεύματι, κραταιωθείσα, ηνδραγάθησας, γενναιοφρόνως, Αγριπππίνα παρθενίας οσφράδιον∙ όθεν Χριστού δοξασθείσα τη χάριτι, πηγάς θαυμάτων βλυστάνεις τοις πέρασιν. Μάρτυς ένδοξε, Χριστόν τον Θεόν ικέτευε, δωρήσασθαι ημίν το μέγα έλεος.
΄Ηχος β΄. Τοις των αιμάτων σου
΄Ωσπερ παρθένον σεμνήν και αμόλυντον, και Αθληφόρον στερράν και αήττητον, Χριστός σε λαμπρώς προσελάβετο, και θαυμαστώς Αγριππίνα εδόξασεν, ο μόνος υπάρχων φιλάνθρωπος.
Φίλτρω πτερωθείσα υπερφυεί, νύμφη ανεδείχθης, του Σωτήρος πανευπρεπής, Ού ιχνηλατούσα, μαρτυρικώς το πάθος, της τούτου Αγριππίνα, ευκλείας έτυχες.
24. Το Γενέθλιον του τιμίου, ενδόξου, Προφήτου, Προδρόμου και Βαπτιστού Ιωάννου.
Α π ο λ υ τ ί κ ι ο ν
΄Ηχος δ΄. Ταχύ προκατάλαβε
Προφήτα και Πρόδρομε, της παρουσίας Χριστού, αξίως ευφημήσαι σε, ουκ ευπορούμεν ημείς, οι πόθω τιμώντας σε∙ στείρωσις γαρ τεκούσης, και πατρός αφωνία, λέλυνται τη ενδόξω, και σεπτή σου γεννήσει, και σάρκωσις Υιού του Θεού, κόσμω κηρύττεται.
Κ ο ν τ ά κ ι ο ν
΄Ηχος γ΄. Η Παρθένος σήμερον
Η πριν στείρα σήμερον, Χριστού τον Πρόδρομο τίκτει, και αυτός το πλήρωμα, απάσης της προφητείας∙ ον περ γαρ, προανεκήρυξαν οι προφήται, τούτο δε, εν Ιορδάνη χειροθετήσας, ανεδείχθη Θεού Λόγου, Προφήτης Κήρυξ, ομούκαι Πρόδρομος.
΄Ανθος το θεόσδοτον εκφυέν, σήμερον εκ στείρας, ευωδίας αγιασμού, έπλησε τα πάντα, την έρημον τα όρη, τον ποταμόν τα ρείθρα Χριστού ο Πρόδρομος.
25. Της αγίας Οσιομάρτυρος Φεβρωνίας, και του οσίου πατρός ημών Διονυσίου του εν ΄Αθω.
Του Προδρόμου μεθεόρτιον . ΄Ηχος γ΄. Ταχύ προκατάλαβε.
Ο πάντων επέκεινα, εν γεννητοίς γυναικών, εκ στείρας γεγέννησαι, και γηραλέας μητρός, Προφήτα και Πρόδρομε∙ όθεν τη ση γεννήσει, μεθεόρτιον αίνον, άδομεν χαρμοσύνως, εκβοώντες σοι πόθω∙ Παράσχου ημίν τα κρείττονα, Βαπτιστά άνωθεν.
Της Αγίας. ΄Ηχος γ΄. Την ωραιότητα.
Ως της ασκήσεως, ρόδον ηδύπνευστον, οσμήν αθλήσεως, τω κόσμω έπνευσας, εις οσμήν μύρων του Χριστού δραμούσα ασχέτω πόθω∙ όθεν ως παρθένον σε, και Οσίαν και Μάρτυρα, θαυμαστώς εδόξασε, Φεβρωνία ο Κύριος∙ Ω πρέσβευε υπέρ των βοώντων∙ Χαίρε σεμνή Οσιομάρτυς.
Του Οσίου. ΄Ηχος ο αυτός. Θείας πίστεως.
Φως ουράνιον, σε καταυγάσαν, λύχνον άσβεστον, τοις εν τω΄Αθω, Διονύσιε σαφώς αναδείκνυσι∙ συ γαρ ακρότητι βίου κοσμούμενος, της εγκρατείας κανών εχρημάτισας. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.
Του Προδρόμου.΄Ηχος δ΄. Επεφάνης σήμερον
Ως αυγή πολύφωτος η γέννησίς σου, προμηνύει Πρόδρομε, Ανατολή την νοητήν, τοις ευσεβώς ανακράζουσι∙ Σώζε τους πίστει τιμώντας σε ένδοξε.
Της Αγίας. ΄Ηχος γ΄. Η Παρθένος σήμερον
Παρθενίας χάρισι, και μαρτυρίου τω κάλλει, κοσμνησθείσα ένδοξε, ως πανακήρατος νύμφη, έδραμες, λαμπαδηφόρος τω σω νυμφίω, έστεψας, της αφθαρσίας τη ευπρεπεία, και πρεσβεύεις Φεβρωνία, υπέρ των πίστει υμνολογούντων σε.
Του Οσίου. ΄Ηχος πλ.δ΄. Τη Υπερμάχω
Ως του Προδρόμου μιμητή και αφομοίωμα, και μοναζόντων υπαλείπτην και υπόδειγμα, ανυμνούμεν σε οι παίδες σου Θεοφόρε∙ Εν τω ΄Αθω γαρ βιώσας ως ασώματος, καταυγάζεις ταις σαις πράξεσιν εκάστοτε τους βοώντας σοι, χαίροις Πάτερ Διονύσιε.
Του Προδρόμου
Στείρα τε ως δένδρον αειθαλές, προήγαγεν ήδη, αφθαρσίας τας αμφότερ, δαψιλώς τω κόσμω, καρποφορούν Προφήτα, και τρέφον τους αινούντας τα σα γενέθλια.
Χαίροις Φεβρωνία πανευκλεής, Οσίων η δοξα, και Μαρτύρων η καλλονή∙ εν γαρ αμφοτέροις, αθλήσασα νομίμως, εικότως και βραβείων διπλών ηξίωσαι.
Χαίροις των Οσίων ο μιμητής, και των εν τω ΄Αθω, γνώμων θείος δι΄αρετής∙ χαίροις της Μονής σου, αντίληψις και σκέπη, ην φρούρει ουρανόθεν ώ Διονύσιε.
26. Του Οσίου Πατρός ημών Δαβίδμ του εν Θεσσαλονίκη.
Εν σοι Πάτερ ακριβώς, διεσώθη το κατ΄εικόνα∙ λαβων γαρ τον σταυρόν, ηκολούθησας τω Χριστώ, και πράττων εδίδασκες, υπεροράν μεν σαρκός, παρέρχεται γαρ∙ επιμελείσθαι δε ψυχής, πράγματος αθανάτου∙ διό και μετά Αγγέλλων συναγάλλεται, όσιε Δαυϊδ το πνεύμα σου.
΄Ηχος πλ. δ΄. Τον συνάναρχον Λόγον
Τη αγάπη του Λόγου Πάτερ πτερούμενος, επί του δένδρου διήλθες αγγελικήν βιοτήν, και εξήνεγκας ημίν καρπούς της χάριτος, εξ ών τρυφώντες, νοητώς, εκβοώμεν σοι πιστώς, Δαβίδ Οσίων ακρότης∙ Μη διαλίπης πρεσβεύων, ελεηθήναι τας ψυχάς ημών.
΄Ηχος β΄. Τους ασφαλείς.
Ως μιμητήν των ουρανίων τάξεων, και αγαθών των επίγειων πάροικον, επαξίως μακαρίζομεν, σε ω Δαβίδ θεομακάριστε∙ τον βίον γαρ ως άγγελος ετέλεσας, και θείων δωρημάτων κατετρύφησας∙ εξ ων και ημίν μετάδος ΄Οσιε.
΄Ετερον. ΄Ηχος β΄. Τους ασφαλείς
Ως μιμητήν των ουρανίων τάξεων, και αγαθών των επιγείων πάροικον, επαξίως μακαρίζομεν, σε ω Δαβίδ θεομακάριστε∙ τον βίον γαρ ως άγγελος ετέλεσας, και θείων δωρημάτων κατετρύφησας∙ εξ ων και ημίν μετάδος όσιε.
΄Ηνεγκας ως κλήμα εν τη Εδέμ, εστώς υπέρ φύσιν, επί δένδρου Πάτερ Δαβίδ, βότρυας ηδίστους, ηθών δικαιοσύνης, δι΄ών αεί ευφραίνεις τους σε γεραίροντας.
27. Του Οσίου Πατρός ημών Σαμψώνμ του Ξενοδόχου.
΄Ηχος δ΄. Ταχύ προκατάλαβε.
Ο φέρων την μίμησιν, των του Θεού οικτιρμών, ενθέου χρηστότητας, αναβλαστάνεις κρουνούς, Σαμψών ιερώτατε∙ συ γαρ θεομιμήτω ελλαμφθείς συμπαθεία, ώφθης των τεθλιμμένων, και πασχόντων ακέστωρ, παρέχων τοις σε τιμώσι, ρώσιν αέναον.
΄Ετερον. ΄Ηχος πλ. δ΄.
Εν τη υπομονή σου εκτήσω τον μισθόν σου Πάτερ όσιε, ταις προσευχαίς αδιαλείπτως εγκαρτερήσας, τους πτωχούς αγαπήσας και τούτοις επαρκέσας. Αλλά πρέσβευε Χριστώ τω Θεώ, Σαμψών θεόφρον μακάριε, σωθήναι τας ψυχάς ημών.
Κ ο ν τ ά κ ι ο ν
΄Ηχος πλ.δ΄. Ως απαρχές της φύσεως
Ως ιατρόν πανάριστον, και λειτουργόν ευπρόσδεκτον, οι τη σορώ τη θεία προστρέχοντες, Σαμψών θεόφρον όσιε, συνελθόντες σε ύμνοις, και ψαλμοίς ανυμνούμεν, Χριστόν δοξάζοντας, τον τοιαύτην σοι την χάριν παρέχοντα των ιάσεων.
Χαίροις ασθενούντων ο ιατρός∙ χαίροις θλιβομένων, ο θερμότατος αρωγός∙ χαίροις των πενήτων, και ξένων αντιλήπτωρ, Σαμψών Χριστού θεράπον αξιοθαύμαστε.
28. Η ανακομιδή των ιερών Λειψάνων των αγίων και θαυματουργών Αναργύρων Κύρου και Ιωάννου.
΄Ηχος γ΄. Θείας πίστεως.
Θείας χάριτος, τη ενεργεία, αναβλύζοντα, θαυμάτων ρείθρα, αναργύρως τα σεπτά υμών λείψανα, εκ των λαγόνων της γης κόσμω έλαμψαν, Κύρε θεόφρον Ιωάννη τε ένδοξε∙ όθεν άπαντες, την τούτων τιμώντες εύρεσιν, αιτούμεν δι΄υμών το μέγα έλεος.
΄Ετερον. ΄Ηχος πλ. α.΄
Τα θαύματα των αγίων σου Μαρτύρων, τείχος ακαταμάχητον ημίν δωρησάμενος, Χριστέ ο Θεός, ταις αυτών ικεσίαις, βουλάς εθνών διασκέδασον, και βασιλείας τα σκήπτρα κραταίωσον, ως μόνος αγαθός και φιλάνθρωπος.
Κ ο ν τ ά κ ι ο ν.
΄Ηχος β΄. Χειρόγραφο εικόνα
Το μέγα ιατρείον της οικουμένης, το ζεύγος του Χριστού το πεποθημένον, τους φωστήρας τους εκλάμποντας, ταις αυγαίς των ιάσεων, υμνήσωμεν πιστοί μεγαλοφώνως, ένδον του ναού αυτών βοώντες Κύρος και Ιωάννης, οι χορηγοί των θαυμάτων, και ιατροί των νοσούντων, αυγάζουσι τα πέρατα.
Ρείθρα ιαμάτων παντοδαπών, βλύζοντα τω κόσμω, ανεφάνησαν εκ της γης, υμών νυν τα σκήνη, Κύρε και Ιωάννη, εξ ων ρώσιν τρυγώμεν ψυχής και σώματος.
29. Των αγίων ένδοξων και πανευφήμων Αποστόλων και Πρωτοκορυφαίων, Πέτρου και Παύλου
΄Ηχος γ΄. Θείας πίστεως.
Θείοι κήρυκες, της ευσεβείας, κρήνη δίκρουνος, θεογνωσίας, και δογμάτων ουρανίων εκφάντορες, Πέτρε και Παύλε σαφώς ανεδείχθητε, ως Αποστόλων των θείων Πρωτόθρονοι Αλλ’ αιτήσασθε, σωτήριον ημίν έλλαμψιν, και λύτρωσιν παθών και μέγα έλεος.
΄Ετερον. ΄Ηχος δ΄.
Οι των Αποστόλων πρωτόθρονοι, και της οικουμένης Διδάσκαλοι, τω Δεσπότι των όλων πρεσβεύσατε, ειρήνην τη οικουμένη δωρήσασθαι, και ταις ψυχαίς ημών το μέγα έλεος.
Του Αποστόλου Παύλου
(Ποίημα Χρυσοστόμου Αρχ/που Αθηνών + 1938)
΄Ηχος δ΄. Κανόνα πίστεως.
Εθνών σε κήρυκα και φωστήρα τρισμέγιστον, Αθηναίων διδάσκαλον, Οικουμένης αγλάϊσμα, ευφροσύνως γεραίρομεν∙ τους αγώνας τιμώμεν και τας βασάνους δια Χριστόν, το σεπτόν Σου μαρτύριον. ΄Αγιε Παύλε Απόστολε, πρέσβευε Χριστώ τω Θεώ, σωθήναι τας ψυχάς ημών.
Του Αποστόλου Παύλου. Από γ΄Ωδής η Υπακοή.΄Ηχος πλ. δ΄.
Ποία φυλακή ουκ έσχε σε δέσμιον; Ποία δε Εκκλησία ουκ έχει σε ρήτορα; Δαμασκός μέγα φρονεί επί σοι Παύλε∙ είδε γαρ σε σκελισθένα φωτί. Ρώμη σου το αίμα δεξαμενή, και αυτή κομπάζει∙ αλλ΄η Ταρσός πλέον χαίρει, και πόθω τιμά σου τα σπάργανα∙ Αλλ΄ω Παύλε Απόστολε, το καύχημα της οικουμένης, προσθάσας ημάς στήριξον.
΄Ηχος γ΄. Η Παρθένος σήμερον
Αποστόλων πρόκριτοι, και κορυφαίοι οφθέντες, ουρανοί ως έμψυχοι, δόξαν Θεού διηγούνται, Πέτρος μεν, ο της αγάπης του Λόγου πλήρης, Παύλος δε, της εκλογής Χριστού σκεύος θείον, και αμφότεροι αιτούνται, πάσι δοθήναι, πταισμάτων άφεσιν.
Αφ΄έκτης Ωδής. ΄Ηχος β΄. Αυτόμελον
Τους ασφαλείς και θεοφθόγγους κήρυκας, την κορυφή των Αποστόλων Κύριε, προσελάβου εις απόλαυσιν, των αγαθών σου και ανάπαυσιν∙ τους πόνους γαρ εκείνων και τον θάνατον, εδέξω υπέρ πάσαν ολοκάρπωσιν, ο μόνος γινώσκων τα εγκάρδια.
Πέτρε θείον άρμα Χερουβικόν, ουράνιε Παύλε, όχημά τε Σεραφικόν, η πύρινος γλώσσα, του Θεανθρώπου Λόγου, πυρός με της γεένης απολυτρώσασθε.
30. Η Σύναξις των αγίων ένδοξων και πανευφήμων Αποστόλων των Δώδεκα.
Των Κορυφαίων. Ηχος γ΄. Την ωραιότητα.
Ως δωδεκάπυρσος, λυχνία έλαμψαν, οι Δωδεκάριθμοι Χριστού Απόστολοι, Πέτρος και Παύλος συν Λουκά, Ανδρέας και Ιωάννης, Βαρθολομαίος Φίλιππος, συν Ματθαίω και Σίμωνι, Μάρκος και Ιάκωβος, και Θωμάς ο μακάριος, και ηύγασαν τους πίστει βοώντας∙ χαίρετε Λόγου οι αυτόπται.
΄Ετερον των Κορυφαίων. ΄Ηχος γ΄.
Απόστολοι άγιοι, πρεσβεύσατε τω ελεήμονι Θεώ, ίνα πταισμάτων άφεσιν, παράσχη ταις ψυχαίς ημών.
΄Ετερον των Κορυφαίων. ΄Ηχος β΄. Τα άνω ζητών
Η πέτρα Χριστός, την πέτραν της πίστεως, δοξάζει φαιδρώς, των μαθητών τον πρόκριτον, και συν Παύλω άπασαν δωδεκάριθμον φάλαγγα σήμερον∙ ων την μνήμην τελούντες πιστώς, τον τούτους δοξάσαντα δοξάζομεν.
΄Ηχος δ΄. Ο υψωθείς εν τω Σταυρώ
Η δωδεκάχορδος και εύσημος νάβλα, των πανευφήμων και σοφών Αποστόλων, εμπνεομένη Πνεύματος ταις θείαις αυγαίς, πάσι μεν εκήρυξεν, ευσεβείας τον φθόγγον, γλώσσας δε εφίμωσεν, ασεβείας τω λόγω∙ ους ευφημούντες είπωμεν τρανώς∙ χαίρετε μύσται, Χριστού και διάκονοι.
Πέτρον Παύλον Μάρκον συν τω Λουκά, Φίλιππον Ανδρέαν, Ιωάννην τε και Θωμάν, Σίμωνα Ματθαίον, και τον Βαρθολομαίον, συν θείω Ιακώβω ύμνοις τιμήσωμεν.
Πατήστε εδώ γιά Επιστροφή στήν ΑΠΟΛΥΤΙΚΙΑ - ΚΟΝΤΑΚΙΑ - ΜΕΓΑΛΥΝΑΡΙΑ 
Βοήθεια μας Αμήν
ΑπάντησηΔιαγραφή