ΑΠΡΙΛΙΟΣ ΑΠΟΛΥΤΙΚΙΑ - ΚΟΝΤΑΚΙΑ - ΜΕΓΑΛΥΝΑΡΙΑ

Μ Η Ν    Α Π Ρ Ι Λ Ι Ο Σ

 

1.       Της Οσίας μητρός ημών Μαρίας, της Αιγυπτίας.

Α π ο λ υ τ ί κ ι α

΄Ηχος πλ. δ΄.

Εν σοι Μήτερ, ακριβώς, διεσώθη το κατ΄εικόνα∙ λαβούσα γαρ τον σταυρόν, ηκολούθησας τω Χριστώ, καιπράττουσα εδίδασκες, υπεροράν μεν σαρκός, παρέρχεται γαρ∙ επιμελείσθαι δε ψυχής, πράγματος αθανάτου∙ διό και μετά Αγγέλλων συναγάλλεται, οσία Μαρία το πνεύμα σου.

΄Ηχος α΄.  Τον συνάναρχον Λόγον.

Φωτισθείς ενθέως Σταυρού τη χάριτι, της μετάνοιας εδείχθης φωτοφανής λαμπηδών, των παθών τον σκοτασμόν, λιπούσα πάνσεμνε∙ όθεν ως άγγελος Θεού, Ζωσιμά τω ιερώ, ωράθης εν τη ερήμω, Μαρία Οσία Μήτερ∙ μεθ΄ού δυσώπει υπέρ πάντων ημών.

Κ ο ν τ ά κ ι ο ν

΄Ηχος β΄. Τοις των αιμάτων σου

Τοις των αγώνων σου πόνοις θεόληπτε, το της ερήμου τραχύ καθηγίασας∙ διό σου την μνήμνην δοξάζομεν, εν υμνωδίαις Μαρία τιμώντες σε, οσία οσίων αγλάϊσμα.

Μ ε γ α λ υ ν ά ρ ι ο ν

Γύμνωσιν ενέγκασα καρτερικώς, αισχύνη ενδύεις, τον γυμνώσαντά σε Χριστού∙ όθεν αφθαρσίας στολαίς κατηγλαίσθης, Μαρία πανοσία Αιγύπτου βλάστημα.

2.   Του Οσίου Πατρός ημών Τίτου, του Θαυματουργού.

Α π ο λ υ τ ί κ ι ο ν

΄Ηχος δ΄. Ο υψωθείς εν τω Σταυρώ

Ανατεθείς από παίδες τω Κυρίω, αγγελικώς επολιτεύσω εν κόσμω, και των θαυμάτων είληφας την χάριν εκ Θεού∙ όθεν εχρημάτισας, μονάζονταν αλείπτης, Τίτε παμμακάριστε, και σοφός οικονόμος. Αλλά μη παύση Πάτερ εκτενώς, υπέρ του κόσμου Χριστόν ιλεούμενος.

Κ ο ν τ ά κ ι ο ν

΄Ηχος ο αυτός. Επεφάνης σήμερον.

Εγκρατείας άνθραξι, σεαυτόν καθάρας, αρετών εξήστραψας, φωτοειδείς μαρμαρυγάς, καταφαιδρύνων τους ψάλλοντας∙ Χαίροις ω Τίτε, Πατέρων αγλάϊσμα.

Μ ε γ α λ υ ν ά ρ ιο ν

Χαίροις των Πατέρων υπογραμμός, και των μονάζονταν, προμηθέστατος οδηγός∙ χαίροις ευσεβείας, εδραίωμα και στύλος, θαυματοφόρε Τίτε Τριάδος τέμενος.

 

3.  Των Οσίων πατέρων ημών Νικήτα, ηγουμένου της μονής του Μηδικίου∙ και Ιωσήφ του Υμνογράφου.

Α π ο λ υ τ ί κ ι α

Του Οσίου Νικήτα. ΄Ηχος  δ΄. Ταχύ προκατάλαβε.

Ως νίκης επώνυμος, των θεοσδότων θεσμών, φρουρός απερίτρεπτος, και στύλος ώφθης στερρός, Νικήτα μακάριε∙ συ γαρ της απαθείας κοσμηθείς ταις ακτίσιν, αίγλη ομολογίας, τον σον βίον φαιδρύνεις. Και νυν των σοι προσιόντων, δέχου την αίνεσιν.

Του Αγίου Ιωσήφ.΄Ηχος  γ΄. Την ωραιότητα.

Το δωδεκάχορδον, του Λόγου όργανον, την παναρμόνιον, νάβλαν της χάριτος, των ουρανίων αρετών, κιθάραν την θεηγόρον, δεύτε ευφημήσωμεν, Ιωσήφ τον θεόληπτον. Ούτος γαρ ενήχησε, των Αγγέλων την αίνεσιν, και ύμνησεν Αγίων τους δήμους∙ όθεν συν τούτοις εδοξάσθη.

Κ ο ν τ ά κ ι α

Του Οσίου Νικήτα. ΄Ηχος πλ. δ΄. Τη Υπερμάχω

Ως ησυχίας υποφήτης πρακτικώτατος, της ποιμανσίας οφθαλμός ώφθης ακοίμητος, της Μονής καθηγησάμενος Μηδικίου. Αλλ΄ως φύλαξ των ενθέων παραδόσεων, διαρρύθμισον Νικήτα θείω Πνεύματι. Τους βοώντας σοι∙ Χαίροις Πάτερ τρισόλβιε.

Του Αγίου Ιωσήφ. ΄Ηχος γ. Η Παρθένος σήμερον.

Η θεόπνους γλώσσα σου, Δαβιτικώς ανεδείχθη, οξυγράφου κάλαμος, τη θεϊκή επιπνοία, άθλους μεν, τους των Αγίων υμνολογούσα, χάριν δε, την εξ αγώνων καλλιγραφούσα, Ιωσήφ τοις εκβοώσι∙ Χαίροις κινύρα, υπερκοσμίων ωδών.

Μ ε γ α λ υ ν ά ρ ι α

Του Οσίου Νικήτα

Νίκος άρας Πάτερ κατά παθών, νικητής εδείχθης, εναντίον των δυσμενών∙ και ως νικηφόρος, εν πάσιν ω Νικήτα, νικητικόν εδέξω θεόθεν στέφανον.

Του Αγίου Ιωσήφ

Χαίροις Εκκλησίας θείος αυλός, ηδύφωνος σάλπιγξ, καλλικέλαδος αηδών∙ χαίροις των Αγίων ο ένθους υμνηπόλος, ω Ιωσήφ τρισμάκαρ νευρά πανεύσημος.

 

4.    Του Οσίου Πατρός ημών Γεωργίου, του εν Μαλεώ.

Α π ο λ υ τ ί κ ι ο ν

΄Ηχος δ΄. Ταχύ προκατάλαβε.

Ως θείον γεώργιον, δικαιοσύνης καρπούς, πλουσίους εξήνεγκας, δι΄εναρέτου ζωής, Γεώργιε ΄Οσιε∙ συ γαρ καθάπερ φοίνιξ, εν ασκήσει βλαστήσας, τρέφεις τη δωρεά σου, την Χριστού Εκκλησίαν∙ όθεν αεί ευχαρίστως, τιμά την μνήμην σου.

Κ ο ν τ ά κ ι ο ν

΄Ηχος γ΄. Η Παρθένος σήμερον

Γεωργός πανάριστος, της εγκρατείας εγένου, το δοθέν σοι τάλαντον, ασκητικώς επαυξήσας∙ όθεν σοι, η επουράνιος κληρουχία, δίδεται, ανθ΄ών διήνυσας Πάτερ πόνων∙ ο Χριστός γαρ σε δοξάζει, Ον ιλέων μοι δίδου Γεώργιε.

Μ ε γ α λ υ ν ά ρ ι ο ν.

Σπόρον γεωργήσας τον μυστικόν, στάχυν αφθαρσίας, συγκομίζεις εν ουρανώ∙ δι΄ου καμέ θρέψον, Γεώργιε θεόφρον, τον εν παθών πενία αεί λιμώττοντα.

 

5 .       Των αγίων Μαρτύρων Κλαυδίου, Διοδώρου, Ουίκτρωνος, Ουικτωρίνου, Παππίου, Νικηφόρου και Σεραπίωνος.

Α π ο λ υ τ ί κ ι ο ν

΄Ηχος  γ΄.  Θείας πίστεως.

Θείας πίστεως, τη αναλάμψει, ο επτάριθμος, Μαρτύρων δήμος, ως λυχνία ανεδείχθη επτάφωτος, ταις των αγώνων ενθέοις λαμπρότησι, φωταγωγούντες τους πίστει κραυγάζοντας∙ Θείοι Μάρτυρες, Χριστώ τω Θεώ πρεσβεύσατε, δωρήσασθαι ημίν το μέγα έλεος.

Κ ο ν τ ά κ ι ο ν

΄Ηχος β΄. Τοις των αιμάτων σου.

Ως στρατιώται Χριστού ακατάπληκτοι, τας εναντίας αρχάς ετροπώσασθε, φαιδρώς συνημμένοι τω πνεύματι, και ομοφώνως κραυγάζοντας Μάρτυρες∙ Χριστός των αθλούντων ο στέφανος.

Μ ε γ α λ υ ν ά ρ ι ο ν

Κλαύδιον Ουίκτωρα τον σεπτόν, συν Ουïκτωρίνω και Παππία τω ιερώ, και συν Διοδώρω, τον θείον Νικηφόρον, ομού και Σεραπίωνα μακαρίσωμεν.

 

6.  Του εν αγίοις Πατρός ημών Ευτυχίου, Αρχιεπισκόπου Κωνσταντινουπόλεως.∙

Α π ο λ υ τ ί κ ι ο ν

΄Ηχος γ΄. Την ωραιότητα.

Βίον ουράνιον, Πάτερ κτησάμενος, σκεύος επάξιον, ώφθης της χάριτος, λόγω και πράξει βεβαιών, την θείαν σοι χορηγίαν∙ όθεν ιεράτευσας, ισαγγέλως τω Κτίσαντι, ένδοξε Ευτύχιε, Εκκλησίας ωράισμα∙ ην φυλάττε ταις σαις προστασίαις, πάσης ανάγκης ανωτέραν.

Κ ο ν τ ά κ ι ο ν

΄Ηχος  δ΄. Επεφάνης σήμερον.

Εκκλησία;ςχάριτας, θεοδώρητου, ιερέ Ευτύχιε, αναβλαστάνεις δαψιλώς, ταις εν αινέσει κραυγάζουσι∙ χαίροις Πατέρων φαιδρόν αγαλλίασμα.

Μ ε γ α λ υ ν ά ρ ι ο ν

΄Ωφθης ευτυχίας πνευματικής, αμάραντον δένδρον, Ιεράρχα καρποδοτούν, αμοιβών την χάριν, ώσπερ Αγγέλων βρώσιν, Ευτύχιε τρισμάκαρ τοις σε γεραίρουσιν.

 

7.        Του αγίου Μάρτυρος Καλλιοπίου και  του Οσίου Πατρός ημών Γεωργίου, επισκόπου Μυτιλήνης.

Α π ο λ υ τ ί κ ι α

Του Μάρτυρος. ΄Ηχος πλ.α΄. Τον συνάναρχον Λόγον.

Εκβλαστήσας ως ρόδον Μάρτυς αμάραντον, αθλητικώς κατευφραίνεις την Εκκλησίαν Χριστού, τη ευπνοία των λαμπρών κατορθωμάτων σου∙ συ γαρ Παθών ζωοποιών, ανεδείχθης κοινωνός, νομίμως ανδραγαθήσας, ω Καλλιόπιε μάκαρ, υπέρ της δόξης του Σωτήρος ημών.

Του Ιεράρχου. ΄Ηχος  γ΄. Θείας πίστεως.

Θείου Πνεύματος, καρποφορήσας, ως θεόφυτος, λειμών την χάριν, Ιεράρχα των αρρήτων Γεώργιε, τας των ψυχών εγεώργησας αύλακας, ως επιπνοίας αύλου Γεώργιο. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

Κ ο ν τ ά κ ι α

Του Μάρτυρος. ΄Ηχος γ΄. Η Παρθένος σήμερον.

Μαρτυρίου στίγμασι, σε ιερώς κοσμηθέντα, και αγίοις Πάθεσι, συμμορφωθέντα Κυρίω, βλέψασα, η σε τεκούσα αγία μήτηρ, σύμψυχος, τη προαιρέσει Μάρτυς σοι ώφθη, Καλλιόπιε θεόφρον, μεθ΄ής δυσώπει, ελεηθήναι ημάς.

Του Ιεράρχου. ΄Ηχος πλ. δ΄. Τη Υπερμάχω

Ως ευσεβείας γεωργός και μύστης ένθεος, και της σοφίας θεοφύτευτον γεώργημα, φυτοκόμος εχρημάτισας των αρίστων. Του Χριστού γαρ την εικόνα σεβαζόμενος, της αιρέσεως διήλεγξας το φρόνημα. ΄Οθεν κράζομεν∙ Χαίροις πάτερ Γεώργιε.

Μ ε γ α λ υ ν ά ρ ι α

Του  Μάρτυρος.

Λόγοις τοις μητρώοις ικανωθείς, αυτόκλητος ήκες, προς αγώνας μαρτυρικούς, ους και διανύσας, Πατρός του ουρανίου, τέκνον ωραίον ώφθης ώ Καλλιόπιε.

Του Ιεράρχου.

Χαίροις γεωργίας καινής βλαστός, και της Εκκλησίας, πνευματέμφορος γεωργός∙ Χαίροις Μυτιλήνης, ο θείος ποδηγέτης, Γεώργιε παμμάκαρ μύστα της χάριτος.

 

8.    Των Αγίων Αποστόλων των εκ των Εβδομήκοντα, Ηρωδίωνος, Αγάβου, Ρούφου,            Ασυγκρίτου, Φλέγοντος και Ερμού.

Α π ο λ υ τ ί κ ι ο ν

΄Ηχος α΄. Χορός αγγελικός.

Εξάριθμος χορός, των σοφών Αποστόλων, υμνείσθω ιερώς, μελωδίας ασμάτων, Ερμάς και Ασύγκριτος, Ηρωδίων και ΄Αγαβος, συν τω Φλέγοντι, και τω θεόφρονι Ρούφω∙ την Τριάδα γαρ, διηνεκώς δυσωπούσιν, υπέρ των ψυχών ημών.

Κ ο ν τ ά κ ι ο ν

΄Ηχος β΄. Τα άνω ζητών

Ως μύσται Χριστού, και Αποστόλων σύσκηνοι, εν πάση τη γή, την τούτου συγκατάβασιν, Μαθηταί εξάριθμοι, ως λαμπάς εξάφωτος φάναντες, ελύσατε σκότος δεινόν, πυρσεύοντες πάσιν αληθείας το φώς.

Μ ε γ α λ υ ν ά ρ ι ο ν

Της θεογνωσίας υφηγηταί, και των απορρήτων, οικονόμοι και πορθμευταί, εξάς η θεόφρων, των θείων Αποστόλων, εδείχθησαν τω κόσμω ους μεγαλύνωμεν.

 

9.  Του αγίου Μάρτυρος Ευψυχίου, του εν Καισαρεία.

Α π ο λ υ τ ί κ ι ο ν

΄Ηχος γ΄. Την ωραιότητα.

Ευψύχως ήνυσας, δρόμον τον ένθεον, και καταβέβληκας, εχθρόν τον δόλιον, την πανοπλίαν του Σταυρού παμμάκαρ ενδεδυμένος∙ όθεν συνηρίθμησαι, των Μαρτύρων ταις τάξεσι, δόξαν αιωνίζουσαν, κεκτημένος Ευψύχιε. Αλλά μη διαλίπης πρεσβείων, σώσαι ημάς τους σε τιμώντας.

Κ ο ν τ ά κ ι ο ν

΄Ηχος β΄. Τοις των αιμάτων σου.

Ως ευσεβείας θεόδμητον ίνδαλμα, της ασεβείας καθείλες το ίδρυμα, και εύψυχος ώφθης προς άθλησιν, εν ευψυχία τμηθείς τον αυχένα σου∙ διό σε υμνούμεν Ευψύχιε.

Μ ε γ α λ υ ν ά ρ ι ο ν

Ναόν των αψύχων Μάρτυς θεών, καθελών ευψύχως, ως Τριάδος έμπνους ναός, προς ναόν τον άνω, αθλητικαίς βαθμίσιν, Ευψύχιε ανήλθες ως Μάρτυς ένθεος.

 

10.  Των αγίων Μαρτύρων Τερεντίου, Πομπηίου και των συν αυτοίς Μαρτύρων∙ και του αγίου ενδόξου Ιερομάρτυρος Γρηγορίου του Ε΄Οικουμενικού Πατριάρχου Κωνσταντινουπόλεως.

Α π ο λ υ τ ί κ ι α

Των Μαρτύρων.΄Ηχος δ΄.  Ταχύ προκατάλαβε.

Στρατός θεοσύλλεκος, πανευκλεών Αθλητών, στερρότητι πίστεως, εξ Αφρικής συνδραμών, γενναίως ηγώνισται∙ σύμφρονες γαρ τη γνώμη και τοις τρόποις οφθέντες, σύναθλοι τοις αγώσιν, ανεδείχθησαν πάντες. Και νυν καθικετεύουσι, σώζεσθαι άπαντας.

΄Ετερον των Μαρτύρων. ΄Ηχος πλ.α΄.

Των αγίων Μαρτύρων τα κατορθώματα, ουρανών αι Δυνάμεις υπερεθαύμασαν, ότι εν σώματι θνητώ, τον ασώματον εχθρόν τη δυνάμει του Σταυρού, αγνισμένοι καλώς, ενίκησαν αοράτως∙ και πρεσβεύουσι τω Κυρίω, ελεηθήναι τας ψυχάς ημών.

Του Πατριάρχου. ΄Ηχος πλ.δ΄.

Ευλογητός ει Κύριε, Χριστέ ο Θεός ημών, ο τον θείον Πατριάρχην ενισχύσας, καταπέμψας αυτώ την χάριν σου άνωθεν, και δι΄αυτού, ημάς δουλείας απαλλάξας, φιλάνθρωπε δόξα σοι.

Κ ο ν τ ά κ ι ο ν

΄Ηχος ο αυτός. Επεφάνης σήμερον.

Ως Χριστού ακόλουθοι, οι Αθλοφόροι, εν σταδίω έλεγον, αγωνιζόμενοι στερρώς∙ μη δειλιάσωμεν σύναθλοι∙ τρυφή γαρ μένει ημάς αδιάδοχος.

Μ ε γ α λ υ ν ά ρ ι ο ν

Πλάνης καταπτύσαντες των θεσμών, τη ομολογία, παρετάξασθε του Χριστού, κατά των ανόμων, γενναίοι Αθλοφόροι∙ διό των  αïδίων γερών ετύχετε.

 

11.  Του αγίου Ιερομάρτυρος Αντίπα , επισκόπου Περγάμου Ασίας.

Α π ο λ υ τ ί κ ι α

΄Ηχος α΄. Της ερήμου πολίτης

Μυροβλύτην τον θείον και Μαρτύρων τον σύναθλον, τον πανευκλεή ιεράρχην και Περάμου τον πρόεδρον, τιμήσωμεν Αντίπαν οι πιστοί, ως τάχιστον και μέγαν ιατρόν, της δεινής οδόντων νόσου, και προς αυτόν από ψυχής βοήσωμεν∙ δόξα τω σε δοξάσαντι Χριστώ, δόξα τω σε στεφανώσαντι, δόξα τω ενεργούντι δια σού, πάσιν ιάματα.

΄Ετερον.΄Ηχος α΄. Της ερήμου πολίτης

Μυροβλήτην τον θείον και Μαρτύρων τον σύναθλον, τον πανευκλεή ιεράρχην και Περγάμου τον πρόεδρον, τιμήσωμεν Αντίπαν οι πιστοί, ως τάχιστον και μέγαν ιατρόν, της δεινής οδόντων νόσου, και προς αυτόν από ψυχής βοήσωμεν. Δόξα τω σε δοξάσαντι Χριστώ∙ δόξα τω σε στεφανώσαντι∙ δόξα τω ενεργούντι δια σου πάσιν ιάματα.

Κ ο ν τ ά κ ι ο ν

΄Ηχος πλ.δ.΄ Τη Υπερμάχω

Τον ιεράρχην και κλεινόν Μεγαλομάρτυρα, τον πολιούχον της Περγάμου τον Πανάριστον, και εχθρώ κοινώ αντίπαλον τον Αντίπαν. Κατά χρέος ευφημήσωμεν εν άσματι, ως τους πάσχοντας οδόντας θεραπεύοντα, πόθω κράζοντες∙ χαίροις Πάτερ τρισόλβιε.

Μ ε γ α λ υ ν ά ρ ι ο ν

Ο Περγάμου πρόεδρος και φρουρός, και της ευσεβείας θεορρήμων υφηγητής, ο των Αποστόλων, ομόχρονος και σύννους, τιμάσθω μοι Αντίπας ο Ιερόαθλος.

 

12.  Του Οσίου Πατρός ημών και ομολογητού Βασιλείου Επισκόπου Παρίου∙ και Ακακίου Οσίου, του «Καυσοκαλυβίτου».

Α π ο λ υ τ ί κ ι α

Του Ιεράρχου. ΄Ηχος δ΄. Ο υψωθείς εν τω Σταυρώ.

Ως ιερεύς του βασιλέως της δόξης, ομολογίας διαλάμπεις τη αίγλη, Ιερομάρτυς ένδοξε Βασίλειε∙ των εικονομάχων γαρ, την απάτην ελέγχων, πόνοις προσωμίλησας, υπέρ της αληθείας∙ και μεταστάς εν δόξη προς Θεόν, των σε τιμώντων, απαύστως μνημόνευε.

Του Οσίου. ΄Ηχος πλ.α΄. Τον συνάναρχον Λόγον.

Ακακία εμπρέπων Πάτερ Ακάκιε, και λαμπρότητι βίου ως σελασφόρος αστήρ, την παλαίθετον ζωήν Οσίων έδειξας∙ συ γαρ αυτοίς αμιλληθείς, πλήρης ώφθης φωτισμού, τον ΄Αθω καταπυρσεύων, τοις εναρέτοις σου τρόποις, δι΄ων εγένου κληρονόμος Χριστού.

Κ ο ν τ ά κ ι α

Του Ιεράρχου. ΄Ηχος πλ. β΄. Την υπέρ ημών.

Την βασιλικήν, προσάγων ιερουργίαν, τω Παμβασιλεί, Βασίλειε θεοφάντορ, ολοκάρπωμα θείον, τους θείους αγώνας σου, ιερώς αυτώ προσέφερες, Ιεράρχα πανσεβάσμιε, εμβοών τοις προσιούσι σοι∙ Η της εικόνος τιμή, ανυψούται Χριστώ.

Του Οσίου. ΄Ηχος δ. Επεφάνης σήμερον

Επεφάνης ΄Οσιε, τη Εκκλησία, ως αστήρ νεόφωτος, καταλαμπρύνας τηλαυγώς, των Ορθοδόξων το πλήρωμα, τοις σοις αγώσι, παμμάκαρ Ακάκιε.

Μ ε γ α λ υ ν ά ρ ι α

Του Ιεράρχου

Χαίροις ω Βασίλειε ιερέ, του επουρανίου, Βασιλέως μυσταγωγός∙ χαίρε Εκκλησίας, βασίλειος λαμπρότης, της άνω βασιλείας χαίρε συμμέτοχε.

Του Οσίου

Χαίροις των Οσίων ο κοινωνός, και των μονάζονταν απλανέστατος οδηγός∙ χαίροις ακακίας κατάκαρπος ελαία, Ακάκιε παμμάκαρ ΄Αθωνος καύχημα.

 

13.  Του εν αγίοις Πατρός ημών και Ομολογητού Μαρτίνου, Πάπα Ρώμης.

Α π ο λ υ τ ί κ ι ο ν

΄Ηχος γ΄. Θείας πίστεως

Θείοις δόγμασι, της ευσεβείας, υπεστήριξας, την Εκκλησίαν, ω Μαρτίνε Ιεράρχα θεόσοφε∙ τον γαρ Χριστόν διπλούν όντα ταις φύσεσνι, ομολογήσας την πλάνην κατήσχυνας. Πάτερ ΄Οσιε, Αυτόν εκτενώς ικέτευε, δωρήσασθαι ημίν το μέγα έλεος.

Κ ο ν τ ά κ ι ο ν

΄Ηχος πλ. δ΄. Τη Υπερμάχω

Ως Ιεράρχης των αρρήτων και διδάσκαλος, Θεολογίας αληθούς εκφάντωρ πέφηνας, και ανέβλυσας Μαρτίνε δογμάτων ρείθρα. Τον Χριστόν γαρ εν δυσί τελείαις φύσεσι, και θελήσεσι πανσόφως εδογμάτισας, Τοις βοώσι σοι∙ Χαίροις Πάτερ πανόλβιε.

Μ ε γ α λ υ ν ά ρ ι ο ν

Λόγω και σοφία πνευματική, Μαρτίνε εμπρέπων, καθαιρείς Μονοφυσιτών, την αίρεσιν Πάτερ, και διωγμούς υπέστης, ως φύλαξ αληθείας ακαταμάχητος.

 

14.  Των αγίων Αποστόλων, των εκ των εβδομήκοντα, Αριστάρχου, Πούδη και Τροφίμου.

Α π ο λ υ τ ί κ ι ο ν

΄Ηχος δ΄. Ταχύ προκατάλαβε.

Χορείαν την τρίπλοκον, των Αποστόλων Χριστού, συμφώνως τιμήσωμεν, ως ποταμούς λογικούς, της θείας χρηστότητας, Πούδην συν Αριστάρχω, και Τροφίμω τω θείω, λόγοις θεογνωσίας, καταρδεύσαντας κόσμον. Αυτών Χριστέ μεσιτείας, πάντας οικτείρησον.

Κ ο ν τ ά κ ι ο ν

΄Ηχος πλ.δ΄. Ως απαρχάς.

Ως ιεροί συνέκδημοι, Παύλου του θεοκήρυκος, την οικουμένην συν τούτω διήλθετε, γνώσιν την θείαν σπείραντες, Αρίσταρχε θεόφρον, συν Τροφίμω τω θείω και Πούδη ένδοξε∙ διό και ηθληκότες, αξίως συνεδοξάσθητε.

Μ ε γ α λ υ ν ά ρ ι ο ν

Τρίφωτος λυχνία των αγαθών, των της ευσεβείας, χρημάτισαν τοις εν γή, Αρίσταρχος Πούδης, και Τρόφιμος ο θείος, τοις εν νυκτί του βίου το φως εκλάμποντες.

 

15.  Του αγίου Ιερομάρτυρος Λεωνίδη, επισκόπου Αθηνών∙ και του Ιερομάρτυρος Κρήσκεντος.

Α π ο λ υ τ ί κ ι α

Του Ιερομάρτυρος. ΄Ηχος δ΄.  Ταχύ προκατάλαβε.

Ποιμήν ιερώτατος, και Ιεράρχης σοφός, της πόλεως γέγονας των Αθηνών της κλεινής, Λεωνίδα μακάριε∙ όθεν ιερατεύσας, τω Σωτήρ οσίως, ήθλησας υπέρ φύσιν, και την πλάνη καθείλες. Και νυν Πάτερ ικέτευε, υπέρ των τιμώντων σε.

Του Μάρτυρος. ΄Ηχος α΄. Της ερήμου πολίτης.

Τω της πίστεως ζήλω πτερωθείς την διάνοιαν, προς αθλητικάς αριστείας, ανδρικώς προσεχώρησας, και ώφθης του Σωτήρος κοινωνός, βασάνους υπέρ φύσιν ενεγκών∙ δια τούτο εδοξάσθης παρά Θεού, Κρήσκη θεομακάριστε∙ δόξα τω δεδωκότι σοι ισχύν, δόξα τω σε στεφανώσαντι, δόξα τω ενεργούντι δια σου, πάσιν ιάματα.

Κ ο ν τ ά κ ι α

Του Ιερομάρτυρος. ΄Ηχος δ΄.  Ο υψωθείς εν τω Σταυρώ.

Ως Ιεράρχης ενθεώτατος Πάτερ, μαρτυρικώς τον σον ετέλεσας βίον, Ιερομάρτυς Λεωνίδα, ένδοξε∙ χαίρων γαρ υπήνεγκας, της σαρκός τας οδύνας, όθεν μεταβέβηκας προς ουράνιον λήξιν, υπέρ ημών πρεσβεύων προς Χριστόν, των εκτελούντων την πάνσεπτον μνήμην σου.

΄Ετερον του Ιερομάρτυρος.

΄Ηχος δ΄. Ο υψωθείς εν τω Σταυρώ

Ως ιεράρχης ενθεώτατος Πάτερ, μαρτυρικές τον σον ετέλεσας βίον, ιερομάρτυς Λεωνίδα ένδοξε∙ χαίρων γαρ υπήνεγκας, της σαρκός τας οδύνας, όθεν μεταβέβηκας προς ουράνιον λήξιν, υπέρ ημών πρεσβεύων προς Χριστόν, των εκτελούντων την πάνσεπτον μνήμην σου.

Του Μάρτυρος. ΄Ηχος πλ. δ΄. Εί και εν τάφω.

Ει και εν γήρα εδέξω την άθλησιν, αλλά νεάζον εκτήσω το φρόνημα, και την έπαρσιν του εχθού, καθείλες στερρώς, συνεργόν εν αγώσι τον Λόγον κτησάμενος∙ Ου το Πάθος δοξάσας, της τούτου Εγέρσεως, σύμφυτος ώφθης, ω Κρήσκη πολύαθλε.

Μ ε γ α λ υ ν ά ρ ι α

Του Ιερομάρτυρος.

Χαίροις της Ελλάδος θείος βλαστός, Ιερομαρτύρων Λεωνίδα η καλλονή∙ χαίροις Αθηναίων ο θείος ποιμενάρχης, και προς Χριστόν μεσίτης Πάτερ θερμότατος.

Του Μάρτυρος

Θάρσους ως ανάπλεως ευσεβούς, Κρήσκη διελέγχεις, των τυράννων το ασεβές, και ώσπερ θυσία, τερπνή Χριστώ ετύθης, δια πυρός το τέλος δεχθείς το άγιον.

 

16.   Των αγίων Μαρτύρων παρθένων και αυταδέλφων, Αγάπης, Ειρήνης και Χιονίας.

Α π ο λ υ τ ί κ ι α

΄Ηχος  πλ. α΄. Τον συνάναρχον Λόγον.

Ως αυτάδελφοι Κόραι και ουρανόφρονες, προς ευσεβείας αγώνας, ομονοούσαι καλώς, τον αρχέκακον εχθρόν κατεπαλαίσατε, Χιονία η σεμνή, συν Αγάπη τη κλυτή, Ειρήνη η πανολβία. Και νυν Χριστόν δυσωπείτε, ελεηθήναι τας ψυχάς ημών.

΄Ετερον. Ηχος πλ.α΄.

Τα θαύματα των αγίων σου Μαρτύρων, τείχος ακαταμάχηστον ημίν δωρησάμενος, Χριστέ ο Θεός, ταις αυτών ικεσίαις, βουλάς εθνών διασκέδασον, και βασιλείας τα σκήπτρα κραταίωσον, ως μόνος αγαθός και φιλάνθρωπος.

Κ ο ν τ ά κ ι ο ν

΄Ηχος γ΄. Η Παρθένος σήμερον.

Παρθενίας έσοπτρα, ωτοειδή πεφυκυίαι, νοερώς ηστράψατε, αθλητικάς λαμπηδόνας, πάσαν μεν, την Εκκλησίαν αγλαϊζούσας, νύκτα δε, των νοσημάτων απελαυνούσας, Χιονία και Αγάπη, συν τη Ειρήνη,  Χριστού κειμήλια.

Μ ε γ α λ υ ν ά ρ ι ο ν

Μύρω αι νεάνιδες αι σεμναί, Αγάπη, Ειρήνη, Χιονία του Ιησού, κατακολουθούσαι, τα αίματα ως μύρα, προσέφερον Κυρίω ως καλλιπάρθενοι.

 

17. Του αγίου Ιερομάρτυρος Συμεών του εν Περσίδι∙ και του εν αγίοις Πατρός ημών Μακαρίου, αρχιεπισκόπου Κορίνθου.

Α π ο λ υ τ ί κ ι α

Του Ιερομάρτυρος. ΄Ηχος δ΄. Ο υψωθείς εν τω Σταυρώ.

Ως υποφήτης των ενθέων δογμάτων, μαρτυρικόν συνασπισμόν επαλείφεις, λόγοις ομού και πράξεσι προς άθλους ιερούς∙ μεθ΄ων και συνήθλησας, Συμεών Ιεράρχα, και Χριστώ ανέδραμες, συν αυτοίς ανακράζων∙ Ιδού ημείς ως πρόβατα σφαγής, τη ση αγάπη Σωτήρ ελογίσθημεν.

Του Αγίου Μακαρίου. ΄Ηχος α΄.  Της ερήμου πολίτης.

Τον Κορίνθου ποιμένα τον τω όντι Μακάριον, τον Θεού προνοία της Χίου αναφανέντα κοσμήτορα, εν πράξεσιν ομού και διδαχαίς, τιμώμεν σε ως σκεύος αρετών∙ θεραπεύεις γαρ νοσούντας και απελαύνεις ακάθαρτα πνεύματα. Δόξα τω σε δοξάσαντι Χριστώ, δόξα τω σε στεφανώσαντι, δόξα τω τα οστά σου πηγήν θαυμάτων αναδείξαντι.

Κ ο ν τ ά κ ι α

Του Ιερομάρτυρος. ΄Ηχος δ΄. Επεφάνης σήμερον.

Εκ Περσίδος έλαμψας, ως εωσφόρος Συμεών, μακάριε, δήμον Αγίων Αθλητών έχων ημίν συνανίσχοντας, ώσπερ αστέρας∙ μεθ΄ων ευφημούμεν σε.

΄Ετερον του Ιερομάρτυρος. Επεφάνης σήμερον

Εκ Περσίδος έλαμψας, ως εωσφόρος, Συμεών μακάριε, δήμον Αγίων Αθλητών, έχων ημίν συνανίσχοντας, ώσπερ αστέρας∙ μεθ΄ων ευφημούμεν σε.

Μ ε γ α λ υ ν ά ρ ι α

Του Ιερομάρτυρος.

Αίγλη του Ηλίου του νοητού, κατηγλαϊσμένος, ιερώτατε Συμεών, μετά των συνάθλων, πυρσολατρών το σκότος, διέβης απροσκόπτως φέγγει αθλήσεως.

Του Ιεράρχου.

Χαίροις Εκκλησίας νέος αστήρ, της Ορθοδοξίας, την λαμπρότητα βεβαιών∙ χαίροις ο της Χίου, λαμπτήρ και αντιλήπτωρ, Μακάριε θεόφρον Κορίνθου πρόεδρε.

 

18. Του Οσίου Πατρός ημών Ιωάννου, μαθητού του αγίου Γρηγορίου του Δεκαπολίτου, και Ιωάννου του εξ Ιωαννίνων Νεομάρτυρος.

Α π ο λ υ τ ί κ ι α

Του Οσίου. ΄Ηχος πλ. α΄. Τον συνάναρχον Λόγον.

Απαλών εξ ονύχων Χριστόν ηγάπησας, και την σην κλήσιν θεόφρον καταλαμπρύνεις σαφώς, πλήρης χάριτος οφθείς του θείου  Πνεύματος∙ εκκαθάρας γαρ τον νούν, των Αγγέλων μιμητής, εν σώματι ανεδείχθης, Πατήρ ημών Ιωάννη, μεθ΄ών ικέτευε σωθήναι ημάς.

Του Μάρτυρος. ΄Ηχος γ΄. Θείας πίστεως.

Γόνος κάλλιστος, Ιωαννίνων, κλέος ένθεον, της Εκκλησίας, ανεδείχθης Ιωάννη πανεύφημε∙ των γαρ Μαρτύρων ζηλώσας την άθλησιν, διά πυρός τον αγώνα ετέλεσας. Μάρτυς ένδοξε, Χριστόν τον Θεόν ικέτευε, δωρήσασθαι ημίν το μέγα έλεος.

Κ ο ν τ ά κ ι α

Του Οσίου. ΄Ηχος β΄. Τους ασφαλείς.

Ως Ασκητών, υπογραμμόν και σέμνωμα, και αγαθών των ουρανίων μέτοχον, κατά χρέος ευφημούμεν σε, ω Ιωάννη παμμακάριστε∙ οσίως γαρ τον βίον διελήλυθας, και χάριτος ενθέου κατετρύφησας, εξ ης Πάτερ δώρησαι τοις τέκνοις σου.

Του Μάρτυρος. ΄Ηχος γ΄. Η Παρθένος σήμερον.

Ως τερπνόν σε φόινικα, Ιωαννίνων η πόλις, ευκλεώς βλαστήσασα, κατατρυφά της σης δόξης∙ πόθω γαρ, τω του Δεσπότου λαμπρώς αθλήσας, τέθυσαι, ως ολοκάρπωμα της Τριάδι∙ δια τούτο Ιωάννη, θαυμάτων βρύεις, χάριν αέναον.

Μ ε γ α λ υ ν ά ρ ι α

Του Οσίου

Χάριτι τη θεία καταυγασθείς, χαρίτων τον πλούτον, δι΄οσίας διαγωγής,  Πάτερ Ιωάννη, ενθέως θησαυρίσας, θαυμάτων χάριν νέμεις τοις προσιούσι σοι.

Του Μάρτυρος.

Χαίροις της Ηπείρου θείος βλαστός, και Νεομαρτύρων, ακροθίνιον ιερόν∙ χαίροις ο πηγάζων, ιάσεων την χάριν, παμμάκαρ Ιωάννη πιστών εδραίωμα.

 

19.  Του αγίου Ιερομάρτυρος Παφνουτίου, και Αγαθαγγέλου του Εσφιγμενίτου, Οσιομάρτυρος.

Α π ο λ υ τ ί κ ι α

Του Ιερομάρτυρος.΄Ηχος δ΄ .Ταχύ προκατάλαβε.

Θυσίαν την ένθεον, πιστώς προσφέρων Θεώ, ως θύμα ευπρόσδεκτον, προσανηνέχθης αυτώ, αθλήσεως άνθραξιν∙ όθεν ως ιερέα, και στερρόν αθλοφόρον, έδειξέ σε ο Κτίστης, χαρισμάτων ταμείον∙ εξ ων και ημίν παράσχου, Ιερομάρτυς Παφνούτιε.

Του Οσιομάρτυρος. ΄Ομοιον.

Ασκήσεως νάμασι, καταρδευθείς την ψυχήν, Μαρτύρων εξήστραψας, μαρμαρυγάς φωταυγείς, σοφέ Αγαθάγγελε∙ όθεν εν αμφότεροις, ακριβώς διαπρέψας, ήσχυνας τους εξ Άγαρ, τον Χριστόν μεγαλύνας. Αυτόν ούν Οσιομάρτυς, ημίν ιλέωσαι.

Κ ο ν τ ά κ ι α.

Του Ιερομάρτυρος.  Ηχος β΄. Τα άνω ζητών.

Αιμάτων ροαίς, στολήν σου την υπέρτιμον, φοινίξας λαμπρώς, Παφνούτιε μακάριε, χαρμοσύνως έδραμες, προς ναόν κραυγάζων ουράνιον∙ της ζωής συ Σώτερ πηγή, ο πάσι βλυστάνων, οικτιρμών ποταμούς.

Του Οσιομάρτυρος. ΄Ηχος πλ. δ΄. Τη Υπερμάχω

Ως των Οσίων ζηλωτήν και ομοδίαιτο, και των Μαρτύρων μιμητήν και ισοστάσιον, ανυμνούμεν σε συμφώνως Οσιομάρτυς∙ Φερωνύμως γαρ εφάνης νέος άγγελος, αγαθών αγγελιών των υπέρ έννοια, τοις βοώσι σοι∙ Χαίρεις μάκαρ Αγαθάγγελε.

Μ ε γ α λ υ ν ά ρ ι α

Του Ιερομάρτυρος.

Θείας βασιλείας σε κοινωνόν, Παφνούτιε μάκαρ, απειργάσατο ο Χριστός∙ τούτου γαρ το Πάθος, έφερες τη σαρκί σου∙ διό παθών λυτρούσαι τους σε γεραίροντας.

Του Οσιομάρτυρος.

Πυρ το ζωηφόρον ένδον λαβών, όλως ανεφλέχθης τη αγάπη του Ιησού∙ όθεν και αθλήσας, αυτού το κάλλος βλέπεις, ως πάλαι επεθύμεις ώ Αγαθάγγελε.

 

20.  Του Οσίου  Πατρός ημών Θεοδώρου του Τριχινά.

Α π ο λ υ τ ί κ ι ο ν

΄Ηχος  γ΄. Θείας πίστεως.

Δώρον ένθεον, της εγκρατείας, σκεύος έμψυχον, της απαθείας, ανεδείχθης θεοφόρε Θεόδωρε∙ τον γαρ Θεόν θεραπεύσας τοις έργοις σου, των παρ΄αυτού δωρημάτων ηξίωσαι. Πάτερ ΄Οσιε, Χριστόν τον Θεόν ικέτευε, δωρήσασθαι ημίν το μέγα έλεος.

Κ ο ν τ ά κ ι ο ν

΄Ηχος α΄. Τον τάφον σου Σωτήρ.

Φωτός καταστολήν, ιερώς εξυφαίνων, τριχίνω σεαυτόν, περιέστελλες ράκει, Θεόδωρε πανόσιε, Παρακλήτου κειμήλιον∙ όθεν χάριτος, υπερφυούς ηξιώθης, μύρον εύοσμον, από του τάφου βλυστάνων,  ψυχών καθαρτήριον.

Μ ε γ α λ υ ν ά ρ ι ο ν

Ράκεσι τριχίνοις σκέπων σαυτόν, το κώδιον Πάτερ, της νεκρώσεως και φθοράς, εναπεξεδύθης, και της αθανασίας, την χλαίναν εστολίσω Πάτερ Θεόδωρε.

 

21.  Του αγίου Ιερομάρτυρος Ιανουαρίου, και της συνοδείας αυτού.

Α π ο λ υ τ ί κ ι ο ν

΄Ηχος δ΄. Ο υψωθείς εν τω Σταυρώ.

Ως Ιεράρχης και σοφός θεηγόρος, τύπος εγένου προς αθλήσεως πόνους, Πάτερ Ιανουάριε τοις περί εαυτόν. Σώσσος γαρ και Πρόκουλος, Δισιδέριος, Φαύστος, και συν Ακουτίωνι, ο Ευτύχιος άμα, συν σοι αθλούσι μάκαρ ευσεβώς∙ μεθ’ ων δυσώπει, υπέρ των ψυχών ημών.

Κ ο ν τ ά κ ι ο ν

΄Ηχος ο αυτός. Επεφάνης σήμερον

Εν τω κόσμω λάμψαντες, ώσπερ λυχνία, μυστικώς επτάφωτος, καταφωτίζετε ημάς, Ιανουάριε ένδοξε, συν τοις συνάθλοις∙ μεθ΄ων ευφημούμεν σε.

Μ ε γ α λ υ ν ά ρ ι ο ν

Ιανουαρίου του θαυμαστού, τους λαμπρούς αγώνας, τις ου μέλψει των ευσεβών; δεύτε ουν συν τούτω, και των συναθλησάντων, τας θείας αριστείας εγκωμιάσωμεν.

 

22.  Του Οσίου Πατρός ημών Θεοδώρου του Συκεώτου.

Α π ο λ υ τ ί κ ι α

΄Ηχος  πλ. α΄. Τον συνάναρχον Λόγον.

Εκ σπαργάνων επλήσθης της θείας χάριτος, και τω Θεώ ανετέθης ως Σαμουήλ ο κλεινός, την υπέρτιμον στολήν Πάτερ κληρούμενος∙ όθεν θαυμάτων αυτουργός, και Χριστού μυσταγωγός, Θεόδωρε ανεδείχθης, θεοδωρήτως εκλάμπων, τας ψθυχοτρόφους δωρεάς τοις πιστοίς.

΄Ετερον.΄Ηχος δ΄.

Γνωρισθείς εκ σπαργάνων ηγιασμένος, και φανείς των χαρισμάτων πεπληρωμένος, τοις θαυμασίοις τον κόσμον κατηύγασας, και των δαιμόνων τα σμήνη απήλασας, ιερουργέ Θεόδωρε∙ διό υπέρ ημών δυσώπει τον Κύριον.

Μ ε γ α λ υ ν ά ρ ι ο ν

Δώρον καθιέρωσας τω Θεώ Θεόδωρε Πάτερ, τον σον βίον τον ιερόν∙ όθεν θεοσδότων, μετέσχες δωρημάτων, και δωρεάν βλυστάνεις πάσι τας χάριτας.

 

23.  Του αγίου ενδόξου Μεγαλομάρτυρος  Γεωργίου, του Τροπαιοφόρου.

Α π ο λ υ τ ί κ ι ο ν. ΄Ηχος δ΄.

Ως των αιχμαλώτων ο ελευθερωτής, και των πτωχών υπερασπιστής, ασθενούντων ιατρός, βασιλέων υπέρμαχος, τροπαιοφόρε μεγαλομάρτυς Γεώργιε, πρέσβευε Χριστώ τω Θεώ, σωθήναι τας ψυχάς ημών.

Κ ο ν τ ά κ ι ο ν

΄Ηχος δ΄. Ο υψωθείς εν τω Σταυρώ

Γεωργηθείς υπό Θεού ανεδείχθης, της ευσεβείας γεωργός τιμιώτατος, των αρετών τα δράματα συλλέξας σεαυτώ∙ σπείρας γαρ εν δάκρυσιν, ευφροσύνη θερίζεις∙ αθλήσας δε δι΄αίματος, τον Χριστόν εκομίσω∙ και ταις πρεσβείας ΄Αγιε ταις σαις, πάσι παρέχεις πταισμάτων συγχώρησιν.

Μ ε γ α λ υ ν ά ρ ι ο ν

Μέγας εν αθλήσει αναδειχθείς, ως τροπαιοφόρος, και εν θαύμασιν ευκλεής, μέγας αντιλήπτωρ, της Εκκλησίας ώφθης, Γεώργιε παμμάκαρ Μαρτύρων καύχημα.

 

24.   Της Οσίας μητρός ημών Ελισάβετ, της Θαυματουργού.

Α π ο λ υ τ ί κ ι ο ν

Ήχος πλ. α΄. Τον συνάναρχον Λόγον.

Μητρικών εκ λαγόνων Χριστόν ηγάπησας, ώσπερ βλαστός Ελισάβετ, δικαιοσύνης τερπνός, και τοις ίχνεσιν αυτού ακολουθήσασα, των αιωνίων αγαθών, γεωργείς τας απαρχάς, αμέμπτω σου πολιτεία, θαυματουργούσα θεόφρον, προς σωτηρίαν των ψυχών ημών.

Κ ο ν τ ά κ ι ο ν

΄Ηχος πλ. δ΄. Ως  απαρχάς.

Ως παρθενίας τέμενος, και αρετών θησαύρισμα, την των θαυμάτων βλυστάνεις χρηστότητα, ώσπερ πηγή ακένωτος, και ψυχών και σωμάτων, Ελισάβετ καθαίρεις τα αρρωστήματα, των ευλαβώς ψαλλόντων, τω Κτίσαντι∙ Αλληλούια.

Μ ε γ α λ υ ν ά ρ ι ο ν

΄Ως επαγγελίας δώρον σεμνό, των επηγγελμένων, κατηξίωσαι αγαθών, βίω καταλλήλω, Οσία Ελισάβετ, ων και ημάς λιταίς σου Μήτερ αξίωσον.

 

25.   Του αγίου  Αποστόλου και Ευαγγελιστού Μάρκου.

Α π ο λ υ τ ί κ ι α

΄Ηχος δ΄. Ταχύ προκατάλαβε.

Του Πέτρου συνέκδημος, και κοινωνός ιερός, του Λόγου διάκονος, και υποφήτης σοφός, εδείχθης Απόστολε∙ όθεν το του Σωτήρος, Ευαγγέλιον θείον, Μάρκε διαχαράττεις, ως ουράνιος μύστης∙ διό Ευαγγελιστά σε, πόθω γεραίρομεν.

΄Ετερον. ΄Ηχος γ΄.

Απόστολε άγιε, και Ευαγγελιστά Μάρκε, πρέσβευε τω ελεήμονι Θεώ, ίνα πταισμάτων άφεσιν, παράσχη ταις ψύχαις ημών.

Κ ο ν τ ά κ ι ο ν

΄Ηχος β΄. Τα άνω ζητών

Εξ ύψους λαβών, την χάριν την του Πνεύματος, ρητόρων πλοκάς, διέλυσας Απόστολε, και τα έθνη άπαντα σαγηνεύσας, Μάρκε παναοίδιμε τω σω Δεσπότη προσήγαγες, το θείον κηρύξας Ευαγγέλιον.

Μ ε γ α λ υ ν ά ρ ι ο ν

Πέτρω τω θεόπτη μαθητευθής, των υπερκοσμίων, εχρημάτισας μυητής∙ όθεν του Σωτήρος, ημίν ευηγγελίσω, ώ Μάρκε θεηγόρε την συγκατάβασιν.

 

26.  Του αγίου Ιερομάρτυρος Βασιλέως, επισκόπου Αμασείας.

Α π ο λ υ τ ί κ ι ο ν

΄Ηχος δ΄. Ο υψωθείς εν τω Σταυρώ.

Ως λειτουργός του Βασιλέως της δόξης, τω παρανόμω βασιλεί αντετάξω, Ιερομάρτυς ένδοξε παμμάκαρ Βασιλεύ∙ όθεν τον αυχένα σου, εκτμηθείς δια ξίφους, χαίρων προσεχώρησας, προς ουράνιον λήξιν∙ ης και ημάς δυσώπει μετασχείν, τους ευφημούντας την ένθεον μνήμην σου.

Κ ο ν τ ά κ ι ο ν

Ήχος β΄. Τους ασφαλείς.

Ως ιερόν, μυσταγωγόν της χάριτος, και αθλητών, συγκοινωνόν και σύσκηνον, ευφημούντες σε γεραίρομεν, ω Βασιλεύ θεομακάριστε∙ οσίως γαρ τω Λόγω ιεράτευσας, και δ΄αυτόν το αίμα σου εξέχεας. ΄Ω πρέσβευε υπέρ των ψυχών ημών.

Μ ε γ α λ υ ν ά ρ ι ο ν

Χάριν Βασιλέως των ουρανών, την δεδωρημένην, εις εκλύτρωσιν των βροτών, βασιλεί τω πλάνω, ώ Βασιλεύ κηρύττων, αθλητικώς δοξάζεις τον σε δοξάσαντα.

 

27.  Του αγίου Ιερομάρτυρος Συμεών, συγγενούς του Κυρίου.

Α π ο λ υ τ ί κ ι ο ν

΄Ηχος α΄. Χορός αγγελικός

Χριστού σε συγγενή, Συμεών ιεράρχα, και Μάρτυρα στερρόν, ιερώς ευφημούμεν, την πλάνην ολέσαντα, και την πίστιν τηρήσαντα∙ όθεν σήμερον, την παναγίαν σου μνήμην, εορτάζοντες αμαρτημάτων την λύσιν, ευχαίς σου λαμβάνομεν.

Κ ο ν τ ά κ ι ο ν

΄Ηχος δ΄. Επεφάνης σήμερον

Ως αστέρα μέγιστο η Εκκλησία, κεκτημένη σήμερον, τον θεηγόρον Συμεών, φωταγωγεί κραυγάζουσα∙ Χαίροις Μαρτύρων, σεπτόν ακροθόνιον.

Μ ε γ α λ υ ν ά ρ ι ο ν

Συγγενής υπάρχων ώ Συμεών, του μέχρι και δούλου, κενωθέντος υπέρ ημών, σύμμορφος και μάρτυς, Παθών αυτού εδείχθης, παγείς ως ο Δεσπότης Σταυρώ μακάριε.

 

28.   Των αγίων Εννέα Μαρτύρων, των εν Κυζίκω.

Α π ο λ υ τ ί κ ι ο ν

΄Ηχος γ΄. Θείας πίστεως.

Θείας πίστεως τη συμφωνία, εννεάριθμος, Μαρτύρων δήμος, εν Κυζίκω ιερώς ηνδραγάθησε∙ τον γαρ υπέρθεον Λόγον κηρύξαντες, υπέρ αυτού ως αμνοί σφαγιάζονται∙ όθεν άφεσιν αιτούνται ημίν και έλεος, τοις μέλπουσιν αυτών την θείαν άθλησιν.

Κ ο ν τ ά κ ι ο ν

΄Ηχος α΄. Τον τάφον σου Σωτήρ

Εννάριθμος χορός, των Μαρτύρων αινείσθω, Θέογνις ο κλεινός και Αντίπατρος άμα, Μάγνος τε και Θεόστιχος,  Αρτεμάς και Θεόδοτος και Θαυμάσιος, Φιλήμων άμα και Ρούφος∙ θείαν χάριν γαρ εκ των πηγών του Σωτήρος, ημίν αναβλύζουσιν.

Μ ε γ α λ υ ν ά ρ ι ο ν

Άρνες του τυθέντος εν τω Σταυρώ, ώφθησαν νομίμως, εννεάριθμοι αθληταί, οι εν τη Κυζίκω, τον όφιν καθελόντες∙ διό προς ουρανίαν μάνδραν εισήλασαν.

 

29.  Των αγίων Αποστόλων Ιάσονας και Σωσιπάτρου.

Α π ο λ υ τ ί κ ι α

Ηχος δ΄. Ταχύ προκατάλαβε.

Δυάς η ομότροπος, των Αποστόλων Χριστού, Ιάσων ο ένθεος, Σωσίπατρος ο κλεινός, συμφώνως τιμάσθωσαν∙ ούτοι γαρ δεδεγμένοι, τον της χάριτος λόγον, ηύγασαν εν Κερκύρα, ευσεβείας το φέγγος, πρεσβεύοντας τω Κυρίω, υπέρ των ψυχών ημών.

΄Ετερον.΄Ηχος γ΄.

Απόστολοι άγιοι, πρεσβεύσατε τω ελεήμονι Θεώ, ίνα πταισμάτων άφεσιν, παράσχη ταις ψυχαίς ημών.

Μ ε γ α λ υ ν ά ρ ι ο ν

Χαίροις Αποστόλων η ξυνωρίς, της σεπτής Τριάδος, δημηγόροι και υπουργοί, συν τω Σωσιπάτρω, Ιάσον θεοφόρε∙ υμείς γαρ αληθείας ώφθητε στόματα.

 

30.  Του αγίου Αποστόλου Ιακώβου, αδελφού Ιωάννου του Θεολόγου.

Α π ο λ υ τ ί κ ι α

Ηχος γ΄. Θείας πίστεως.

Γόνος άγιος, βροντής υπάρχων, κατεβρόντησας, τη οικουμένη, την του Σωτήρος Ιάκωβε, κένωσιν, και το ποτήριον τούτου εξέπιες, μαρτυρικώς εναθλήσας Απόστολε∙ όθεν πάντοτε, εξαίτει τοις σε γεραίρουσι, πταισμάτων ιλασμόν και μέγα έλεος.

΄Ετερον. ΄Ηχος γ΄.

Απόστολε άγιε Ιάκωβε, πρέσβευε τω ελεήμονι Θεώ, ίνα πταισμάτων άφεσιν, παράσχη ταις ψυχαίς ημών.

Κ ο ν τ ά κ ι ο ν

΄Ηχος β΄. Τα άνω ζητών

Φωνής θεϊκής, ακούσας προσκαλούσης σε, αγάπη πατρός, παρείδες και προσέδραμες, τω Χριστώ Ιάκωβε, μετά και του συγγόνου σου ένδοξε∙ μεθ΄ου ηξιώθης ιδείν, Κυρίου την θείαν Μεταμόρφωσιν.

Μ ε γ α λ υ ν ά ρ ι ο ν

Η των απορρήτων θεία βροντή, ο εν Θαβωρίω, επακούσας Πατρός φωνής, και βροντοφωνήσας, ημίν την σωτηρίαν, Ιάκωβος ο μύστης Χριστού υμνείσθω μοι.

 

Πατήστε  εδώ γιά Επιστροφή στήν ΑΠΟΛΥΤΙΚΙΑ - ΚΟΝΤΑΚΙΑ - ΜΕΓΑΛΥΝΑΡΙΑ